Tramp zajaviŭ, što da Irana nakiroŭvajucca amierykanskija vajskovyja karabli
«My sočym za Iranam», — zajaviŭ Donald Tramp žurnalistam na borcie samalota Air Force One, viartajučysia z Suśvietnaha ekanamičnaha forumu ŭ Davosie.
Pavodle słoŭ kiraŭnika Biełaha doma, ZŠA majuć šmat karabloŭ, jakija ruchajucca ŭ tym kirunku — na ŭsialaki vypadak.
«U nas vialikija siły nakiroŭvajucca da Irana», — dadaŭ jon. Tramp apisaŭ ich jak «armadu» i «vializny fłot», ale adznačyŭ: «Mahčyma, nam nie daviadziecca ich vykarystoŭvać».
Na minułym tydni Tramp admoviŭsia ad pahrozy nanieści ŭdar pa Iranie paśla taho, jak Bieły dom zajaviŭ, što Tehieran prypyniŭ zapłanavanyja pakarańni śmierciu demanstrantaŭ, nahadvaje ahienctva AFP.
U sieradu iranskija ŭłady ŭpieršyniu aficyjna paviedamili pra achviary pratestaŭ, jakija achapili krainu z kanca minułaha hoda, zajaviŭšy, što ŭ ich zahinuli 3117 čałaviek. Pravaabarončyja arhanizacyi śćviardžajuć, što faktyčnaja kolkaść zahinułych moža być značna bolšaj.
Kamientary