«Usia praŭda pra Dyjanu z punktu hledžańnia brata». Čarlz Śpiensier napisaŭ knihu pra svaju siastru-pryncesu
Brat brytanskaj pryncesy Dyjany, hraf Čarlz Śpiensier, abviaściŭ, što najbližejšym časam budzie apublikavanaja jaho kniha ŭspaminaŭ pra siastru, jakaja zahinuła amal 30 hadoŭ tamu, piša Bi-bi-si.
Miemuary pad nazvaj «Lebiadzinaja pieśnia: maja siastra Dyjana» (Swan Song: Diana, My Sister) pavinny vyjści ŭ śviet u Vialikabrytanii ŭ vieraśni.
Svaje matyvy dla napisańnia knihi Śpiensier apisaŭ tak: «Ja chacieŭ by havaryć ad imia Dyjany — i rabić heta ŭ adkryta pazityŭnym klučy». Jon vykazaŭ nadzieju, što jaho kniha dapamoža ludziam zrazumieć, kim na samaj spravie była jaho siastra.
«Adzinaja ŭ svaim rodzie, jana była vielmi dynamičnym čałaviekam, poŭnym lubovi, charyzmy i niaŭpeŭnienaści ŭ sabie, — kaža Čarlz. — Jana žyła na poŭnuju katušku i pakinuła paśla siabie našmat lepšy śviet, choć i pakinuła jaho takoj maładoj».
1 lipienia hetaha hoda Dyjanie mahło b spoŭnicca 65 hadoŭ. Jana zahinuła ŭ vyniku aŭtakatastrofy ŭ Paryžy ŭ 1997 hodzie, kali joj było 36. Jaje synam — pryncam Uiljamu i Hary — na toj momant było 15 i 12 hadoŭ.
U svajoj zajavie z nahody vychadu novaj knihi Čarlz Śpiensier piša, što ŭ apošni čas jaho znoŭ pačali pastajanna prasić davać intervju ŭ suviazi z nabližeńniem 30‑hodździa hibieli Dyjany.
«Heta pierakanała mianie ŭ nieabchodnaści raz i nazaŭsiody zapisać ułasnyja dumki i ŭspaminy — zamiest taho, kab čarhovym razam adčuvać dyskamfort ad čytańnia vykazvańniaŭ, mnohija ź jakich zasnavanyja na niepraŭdzivych faktach, što z časam ustalavalisia jak praŭdzivyja», — kaža Čarlz Śpiensier.
Pramova na pachavańni
«Meta hetaj knihi — raskazać usiu praŭdu pra Dyjanu z punktu hledžańnia jaje brata — hetak ža, jak ja sprabavaŭ zrabić heta, kali vystupaŭ na jaje pachavańni», — dadaŭ Śpiensier, majučy na ŭvazie pramovu, jakuju jon skazaŭ na cyrymonii raźvitańnia ŭ Vestminsterskim abactvie ŭ vieraśni 1997 hoda.
Śpiensier spadziajecca, što jaho kniha zacikavić tych, chto «pa-raniejšamu šanuje pamiać» pra časy, kali Dyjana była žyvaja.
U svajoj pramovie na pachavańni Śpiensier apisvaŭ Dyjanu jak «uvasableńnie spahady, pačućcia abaviazku, stylu i pryhažości». «Dla ŭsiaho śvietu jana była simvałam bieskaryślivaj čałaviečnaści, zmaharom za pravy sapraŭdy adkinutych hramadstvam».
U svajoj tahačasnaj pramovie jon taksama raskrytykavaŭ žurnalistaŭ, nazvaŭšy Dyjanu čałaviekam, «na jakoha palavali bolš za ŭsich u sučasnaj historyi». Pry hetym jon paabiacaŭ abaranić pryncaŭ Uiljama i Hary, kab ich nie spaścihła taja ž dola.
Miemuary Čarlza Śpiensiera pavinny vyjści ŭ śviet 22 vieraśnia. Ich vydaść kampanija Penguin Michael Joseph.
«Choć na staronkach hetaj knihi jość niamała adkryćciaŭ, jakija pryciahnuć da siabie značnuju ŭvahu, čytačy ŭpieršyniu — i nazaŭsiody — atrymajuć hodnuju daninu pamiaci toj lubimaj usimi žančynie, jakoj była pryncesa Dyjana», — zajaviŭ dyrektar Penguin Random House UK Denieł Bańjard.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary