U Rymie praz zasuchu ŭzrovień vady ŭ race Tybr nastolki źniziŭsia, što nad pavierchniaj znoŭ pakazalisia reštki staražytnaha Nieronava mosta. Takija vypadki pa-raniejšamu ličacca redkimi, ale ŭ apošnija hady jany adbyvajucca ŭsio čaściej na fonie praciahłych chval śpiakoty i zasuchi, piša Euronews.
Most byŭ pabudavany ŭ siaredzinie I stahodździa našaj ery. Kala dźviuch tysiač hadoŭ tamu pa im možna było trapić u rajon, dzie siońnia znachodzicca Vatykan. Akramia taho, most uvachodziŭ u maršrut tryumfalnych šeściaŭ rymskich impierataraŭ.
Pa słovach historykaŭ, kanstrukcyja nie vytrymlivała intensiŭnaha ruchu, tamu ŭžo praz sto—paŭtary sotni hadoŭ paśla budaŭnictva most pryjšoŭ u zaniapad. Kančatkova jaho razburyli padčas Hockich vojnaŭ u VI stahodździ.
Praŭda, reštki apor jašče doŭhi čas vykarystoŭvalisia dla ŭstanoŭki vadzianych młynoŭ. U kancy XIX stahodździa ich taksama razburyli padčas budaŭnictva mosta Viktara Emanuiła II.
Apošnija hady reštki Nieronava mosta ŭsio čaściej stanoviacca bačnymi nad pavierchniaj Tybra. Heta źviazvajuć z tym, što praciahłyja chvali śpiakoty i zasuchi pryvodziać da značnaha abmialeńnia raki.
Ciapier čytajuć
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?1
Kamientary