Mikałaja Aŭtuchoviča miesiac patrymali ŭ kałonii pad Barysavam i znoŭ adpravili na turemny režym
Papiarednija piać hadoŭ jon pravioŭ u turmie ŭ Hrodnie.
Asudžanaha na 25 hadoŭ palitviaźnia na try hady adpraviać dla adbyvańnia pakarańnia ŭ krytuju turmu.
Takoje rašeńnie pryniaŭ vyjazny sud, jaki prajšoŭ 23 studzienia ŭ kałonii № 14 u Navasadach kala Barysava, paviedamlaje Radyjo Svaboda sa spasyłkaj na svaju krynicu.
Sud nad Aŭtuchovičam adbyvaŭsia ciaham dvuch dzion — 20 i 23 studzienia.
Za jakija parušeńni Aŭtuchoviča pakarali novym pieravodam na turemny režym, krynicy nieviadoma. Pavodle jaje słoŭ, u PK-14 palitviazień adbyŭ 7 sutak u ŠIZA, paśla čaho skardziŭsia na toje, što zastudziŭ vucha.
Pakul nieviadoma, ci budzie Mikałaj Aŭtuchovič abskardžvać rašeńnie suda ab pieravodzie jaho na turemny režym.
U kałoniju Aŭtuchoviča pieraviali naprykancy 2025 hoda z hrodzienskaj turmy, dzie jon adbyvaŭ pakarańnie paśla prysudu.
Jaho zatrymali ŭ śniežni 2020 hoda, a ŭ kastryčniku 2022‑ha asudzili na 25 hadoŭ źniavoleńnia pavodle 10 artykułaŭ Kryminalnaha kodeksa, u tym liku pa takich ciažkich artykułach, jak «akt teraryzmu» i «zmova z metaj zachopu ŭłady niekanstytucyjnym šlacham», za jakija praduhledžana navat śmiarotnaje pakarańnie. Pavodle vyraku, pieršyja 5 hadoŭ jon musiŭ adbyvać na turemnym režymie.
Heta ŭžo treciaje źniavoleńnie Mikałaja Aŭtuchoviča. Pieršaje było z kastryčnika 2005 hoda da studzienia 2008-ha. Druhoje — ź lutaha 2009‑ha da krasavika 2014 hoda, pryčym bolš za dva hady da kanca terminu jon pravioŭ u hrodzienskaj turmie.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki13
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary