Jak płanavałasia sustreča Cichanoŭskaj i Zialenskaha i što budzie dalej? Raskazvaje Viačorka
25 studzienia prezident Ukrainy Uładzimir Zialenski pravioŭ pieršuju sustreču sa Śviatłanaj Cichanoŭskaj. Chto i jak zapłanavaŭ ich razmovu? Raspytali daradcu Cichanoŭskaj Franaka Viačorku.
Jak raskazaŭ Franak Viačorka, havorka pra mahčymuju sustreču ŭźnikła ŭsiaho za paru dzion da cyrymonii ŭšanavańnia pamiaci Kastusia Kalinoŭskaha ŭ Vilni, na jakoj, akramia prymajučaha boku na čale z prezidentam Litvy Hitanasam Naŭsiedam, prysutničaŭ prezident Polščy Karal Naŭrocki.
«Ukrainski bok sam na nas vyjšaŭ. Spačatku išła razmova tolki pra supolnuju prysutnaść na cyrymonii ŭ honar hadaviny Paŭstańnia 1863—1864 hadoŭ, potym pra pramovu, było šmat pierapiski. A paśla vyrašyli zrabić asobna i dvuchbakovuju sustreču. Inicyjatyva išła ad prezidenta Ukrainy».
Franak Viačorka ličyć taki krok sihnałam pra źmienu palityki va Ukrainie pa roznych napramkach — i pa ŭnutranych, i pa źniešnich.
«U tym liku mianiajecca padychod da Biełarusi i adnosiny z demakratyčnymi siłami. Ukraina apošnim časam prajaŭlaje lidarstva pa Biełarusi, Zialenski pastajanna havoryć pra Biełaruś. Ja dumaju, heta ŭ cełym źmiena palityki na bolš aktyŭnuju. Raniej było bolš ihnaravańnia, paźbiahańnia temy. Zaraz ža jany zaniali praaktyŭnuju pazicyju».
Źmienu naściarožanaści ŭ dačynieńni da biełaruskaj apazicyi na dyjałoh analityki źviazvajuć adrazu ź niekalkimi pryčynami: prychod na miesca kiraŭnika Ofisu prezidenta Kiryła Budanava zamiest Andreja Jarmaka, razumieńnie, što ad Łukašenki z terytoryi Biełarusi pakul nie varta čakać pahrozy, a taksama žadańnie adabrać u jaho bonusy «lehitymnaści», jakimi jaho adorvaje pradstaŭnictva ZŠA.
Padčas razmovy Uładzimir Zialenski ŭ tym liku zaprasiŭ Śviatłanu Cichanoŭskuju ŭ Kijeŭ.
«My ŭžo abmiarkoŭvajem daty pryjezdu z Ofisam prezidenta Ukrainy, — paćvierdziŭ Franak Viačorka raelnaść budučaha vizitu. — Rychtujem dva kompleksy pytańniaŭ i prapanovaŭ. Stratehična-palityčnyja — inicyjatyvy pa mižnarodnaj palitycy, pa staŭleńni da režymu, pa sankcyjnaj palitycy, pa adkaznaści za vykradzienych ukrainskich dziaciej. Taksama abmiarkujem prablemy biełarusaŭ va Ukrainie, prablemy dobraachvotnikaŭ i prapanujem kulturna-aśvietnaje ŭzajemadziejańnie i infarmacyjnuju supracu. U nas vielmi šmat temaŭ, i pa mnohich ź ich my ŭžo pačali dyjałoh».
Nieŭzabavie taksama musić być pryznačany novy śpiecpradstaŭnik Ukrainy pa Biełarusi.
«Płanujecca, što mostam u kamunikacyi z našaha boku budzie Śviatłana Šacilina ź Misii demakratyčnaj Biełarusi ŭ Kijevie, a ź ich — śpiecpasłańnik».
«Naša Niva» — bastyjon biełaruščyny
PADTRYMAĆ«Ni słova pa-rasiejsku». Na ŭčarašniaj sustrečy Cichanoŭskaja i Zialenski havaryli kožny na svajoj movie
Viačorka: Kali ty noč pad abstrełami pieražyvieš, tady razumieješ, čamu treba dapamahać ukraincam
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary