«Pazyki ŭziali, viarnuć nie mohuć». Łukašenka rastłumačyŭ, što nie tak rabiŭ na «Amkadory» Alaksandr Šakucin
Na naradzie Łukašenki z kiraŭnictvam urada byŭ razhledžany prajekt ukaza, jaki maje na mecie kompleksnaje finansavaje azdaraŭleńnie chołdynha «Amkador». Łukašenka nazvaŭ jaho «najvažniejšym i najkaštoŭniejšym zavodam», jaki ciapier, adnak, znachodzicca ŭ składanaj situacyi, piša BiełTA.
Siońnia chołdynh «Amkador» pieražyvaje ciažkija časy. Łukašenka zajaviŭ, što adnoj z pryčyn ciažkaściaŭ mahło stać pastajannaje pašyreńnie asartymientu i vypusk mnohich navinak, na što bralisia pazyki.
«Pakolki raniejšyja ŭładalniki chołdynhu sumlenna pryznali, što bolš nie mohuć zabiaśpiečvać viartańnie zapazyčanych srodkaŭ (heta značyć pryznali, što pazyki ŭziali, viarnuć nie mohuć), my byli vymušanyja pryniać kiraŭničuju kampaniju va ŭłasnaść dziaržavy», — patłumačyŭ palityk toje, što niadaŭna pradpryjemstva zabrali ŭ praŭładnaha biznesmiena Alaksandra Šakucina.
Metaj urada paśla taho była padrychtoŭka kompleksnaha rašeńnia pa azdaraŭleńni «Amkadora», jakoje ŭklučaje zachavańnie vytvorčaści, najaŭnych kampietencyj i abaronu kalektyvu.
Łukašenka adznačyŭ, što ciapier, maŭlaŭ, nie čas raspylacca na ŭsie vidy pradukcyi, nieabchodna zasiarodzicca na najbolš zapatrabavanych i sieryjnych madelach, zabiaśpiečvajučy ich jakaść i kankurentazdolnaść. Usie novyja prajekty pavinny finansavacca tolki za košt ułasnych srodkaŭ chołdynha, bo dziaržava ŭžo nibyta nie budzie vydavać kredyty pad ryzyku niepahašeńnia.
Asobnuju ŭvahu źviarnuli i na impartazamiaščeńnie. Kab nie zaležać ad pastavak ź Jeŭropy, čarhovy raz pastaŭlena zadača raźvivać ułasnyja raspracoŭki i pavialičvać dolu łakalizacyi vytvorčaści da maksimumu. Kali nieabchodna, dazvolena supracoŭničać z rasijskimi pastaŭščykami.
U červieni 2025 hoda kiraŭnikom «Amkadora» byŭ pryznačany Alaksandr Jafimaŭ, jaki raniej pracavaŭ na pradpryjemstvie i na pasadzie ministra pramysłovaści.
AAT «Amkador» — biełaruskaja mašynabudaŭničaja kampanija. Jana zajmajecca vytvorčaściu i realizacyjaj śpiecyjalnych mašyn dla darožna-budaŭničaj, łahistyčnaj, torfazdabyŭnoj, kamunalnaj, lasnoj, sielskahaspadarčaj halin. Pa stanie na 2022 hod u strukturu chołdynhu «Amkador» uvachodziła 26 pradpryjemstvaŭ, u tym liku 17 zavodaŭ u Biełarusi i Rasii.
Novapryznačany dyrektar «Amkadora» raskazaŭ, u čym prablemy pradpryjemstva
Łukašenka abvinavaciŭ u prablemach na «Amkadory» jahonaha byłoha ŭładalnika
Łukašenka pryznaŭ vialikija prablemy na «Amkadory»
Znajšłosia jašče adno paćviardžeńnie taho, što «Amkadoram» kiruje nie Šakucin, a mieniedžary BiełAZa
Łukašenka nacyjanalizavaŭ «Amkador». Šakucin staŭ prostym biełaruskim piensijanieram
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary
Čieho sašok i dobivałsia mnoho let - jeho zavietnaja miečta ispołniłaś.