U Vałožynskim ješybocie praviali staražytny abrad padpisańnia ktuby
U Vałožynie praviali staražytny abrad padpisańnia šlubnaj damovy — ktuby. Jaho ŭdzielnikami stała para ź Minska Ejal i Abihal, paviedamlaje BiełTA.
Upieršyniu ŭ historyi sučasnaj Biełarusi, i Vałožyna ŭ pryvatnaści, dzie ŭ 2024 hodzie paśla maštabnaj rekanstrukcyi byŭ adkryty ješybot (ješyva), adbyŭsia staražytny jaŭrejski abrad padpisańnia ktuby, abo šlubnaj damovy, jak adna z najvažniejšych častak viasielnaj cyrymonii.
«Ja byŭ uciahnuty niepasredna ŭ praces rekanstrukcyi Vałožynskaha ješybota, jaki byŭ adnoŭleny dziakujučy padtrymcy kiraŭnictva vobłaści ŭ 2024 hodzie. I hety abjekt, što stanovicca ŭsio bolš papularnym siarod turystaŭ, chaciełasia napoŭnić značnymi padziejami, u tym liku abradami žyćciovaha cykła. Tut u nas adbylisia pieršyja cyrymonii paŭnalećcia, a potym adnoj z par ja prapanavaŭ padpisać šlubnuju damovu, abo ktubu», — raspavioŭ hałoŭny rabin relihijnaha abjadnańnia abščyn prahresiŭnaha judaizmu ŭ Biełarusi Ryhor Abramovič.
Na padpisańnie ŭ Vałožyn pryjechała para ź Minska — Ejal i Abihal, šmatdzietnyja baćki, sajuz jakich byŭ aficyjna zarehistravany dziaržavaj.
Adnak da momantu padpisańnia šlubnaj damovy jak fakta ŭśviedamleńnia duchoŭnaj rodnaści spatrebilisia hady.
«Dla nas heta vialiki honar i nievierahodnaja ŭdača, što padpisańnie ktuby adbyłosia ŭ takim śviatym miescy, jak Vałožynski ješybot. U im kožnaja cahlinka, kožny elemient zachoŭvaje vodhałas minułych epoch, što nadało cyrymonii asablivaje hučańnie. My prajšli vialiki šlach da hetaha momantu. Heta niaprostaje rašeńnie i vialikaja adkaznaść», — raspaviała Abihal, adznačyŭšy, što heta byŭ ich pieršy vizit u Vałožyn.
«Chočacca, kab siła i pryhažość hetaj ziamli abierahała i našu siamju», — padkreśliła Abihal.
Ejal padzialiŭsia, što śpiecyjalna da cyrymonii para padrychtavała nacyjanalnyja jaŭrejskija kaściumy, u jakich u supravadžeńni muzyčnaha kalektyvu byŭ vykanany taniec užo zakonnych pierad Usiavyšnim sužencaŭ.
U svaju čarhu Ryhor Abramovič padkreśliŭ, što praviadzieńnie abradu ktuby — heta adzin z faktaraŭ umacavańnia tradycyjnaj siamji, a taksama adna z umoŭ raźvićcia relihijnaha turyzmu. Siońnia Vałožynski ješybot pryciahvaje haściej z roznych kutkoŭ śvietu.
«Padpisańnie ktuby pakul nie stała tradycyjnym — dla hetaha patrebny čas. Adnak ja ŭsio bolš upeŭnivajusia, što Vałožyn stanie miescam pryciahnieńnia turystaŭ, u tym liku i z metaj praviadzieńnia abradaŭ žyćciovaha cykła. A jaho vydatnaja infrastruktura dazvalaje pravieści šlubnuju cyrymoniju ŭ poŭnym abjomie», — adznačyŭ jon.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary
što da čaho? ja suprać instytutu prezidenctva
I u hetych vašych pryhodach taksama vinavaty jany?