Rasijskija vajenkary zajaŭlajuć pra kałaps suviazi na froncie paśla błakiroŭki Starlink
Rasijskija vajenkary śviedčać pra poŭnuju błakiroŭku Starlink u rasijskich vojskach. Iłan Mask uvioŭ «biełyja śpisy» dla terminałaŭ Starlink, što zabłakavała dostup da sieciva dla rasijskich padraździaleńniaŭ. Z-kanały skardziacca na krytyčnaje technałahičnaje adstavańnie ad «vorahu», stratu bajavoha kiravańnia i niemahčymaść tranślavać sihnał z dronaŭ u realnym časie.
Iłan Mask zajaviŭ ab nieabchodnaści abaviazkovaj rehistracyi terminałaŭ Starlink dla tych, chto znachodzicca va Ukrainie. Hety krok aznačaje zapusk tak zvanaha «biełaha śpisu», zhodna ź jakim pracavać buduć tolki aficyjna vieryfikavanyja pryłady, što faktyčna robić niemahčymym vykarystańnie spadarožnikavaj suviazi rasijskimi padraździaleńniami.
Pavodle infarmacyi telehram-kanała @insiderUKR, pad błakiroŭku trapili kala 550 tysiač stancyj, jakija vykarystoŭvalisia US RF praź nielehalnyja schiemy zakupak.
Heta pryviało da surjoznych prablem ź sistemaj kiravańnia vojskami na roznych učastkach frontu. Paviedamlajecca, što na mnohich kirunkach šturmavyja dziejańni rasijskich sił byli prypynienyja praz stratu suviazi i niemahčymaść kaardynacyi padraździaleńniaŭ u realnym časie.
«Błakiroŭka Starlink: <> Iłan Mask absłuhoŭvaje intaresy USU. Piendos paćvierdziŭ u sacsietcy Ch, što dla pracy terminałaŭ Starlink va Ukrainie treba rehistravać abstalavańnie va ŭkrainskich dziaržorhanach <>. Hetym moža tłumačycca masavy zboj terminałaŭ <> na froncie. Takim sposabam «hienij» <> u čarhovy raz akazaŭ dapamohu USU ŭ zabojstvie našych sałdat. Sprava ŭ tym, što pry adsutnaści alternatyŭ US Rasii vykarystoŭvajuć šeryja «Starlinki» dla arhanizacyi suviazi na froncie… <> Ciapier abo pa-staromu, abo niešta svajo ekstranna vydumlać». «Dva majora»
«Va Ukrainie aficyjna aktyvavali biełyja śpisy Starlink. Nijakija pierazahruzki terminałaŭ nie dapamohuć… Macniej za ŭsio heta ŭdaryć pa pieradavym šturmavym hrupam zamacavańnia, naprykład, u Kupiansku. Jany pazbavilisia luboj mahčymaści dla suviazi ź vialikaj ziamloj. Va ŭsich padraździaleńniach US RF źnikła suviaź. Prosta ciapier usio viarnułasia ŭ stan pačatku SVA ŭ 2022 hodzie, kali pamiž padraździaleńniami całkam adsutničała jakaja abo kaardynacyja, što i pryviało da viadomaha vyniku». Alex Parker Returns
«Amal 90% maich padšefnych padraździaleńniaŭ bieź internetu zaraz. Zaraz rezka vyśvietlicca, što padraździaleńni biez suviazi pracavać efiektyŭna nie mohuć. Voś navina dla niekatorych u vysokich kabinietach budzie». «Biełorusskij siłovik»
«Alternatyvy dadzienamu spadarožnikavamu internetu ŭ šerahach US RF prosta nie isnuje, i mnohaje, u tym liku bajavoje kiravańnie, było zaviazana na im, i ŭsio ŭsprymałasia jak naležnaje». «Vojennyj Ośviedomitiel»
«Heta nazyvajecca technałahičnaje adstavańnie. Kali na klučavych vuzłach suviazi i kamandnych punktach internet na hazpramaŭskich talerkach siak-tak pracuje, to raźliki BPŁA, RER/REB, ahniavyja srodki i piachotnyja pazicyi ciapier bieź internetu. Heta aznačaje, što ciapier nijakich tranślacyj, adsutnaść karcinki pola boju i h.d. Ciapier, jakija b hienijalnyja rašeńni ni prymalisia kamandzirami na miescach, my prosta prajhrajem u chutkaści pryniaćcia i realizacyi rašeńniaŭ na poli boju». «Riadovoj Hubariev»
Raniej ukrainski bok nieadnarazova źviartaŭsia da kampanii SpaceX z prośbaj abmiežavać dostup da sietki dla akupacyjnych vojskaŭ, jakija nabyvali terminały praz trecija krainy.
Uviadzieńnie «biełaha śpisu» dazvalaje Starlink kropkava adklučać pryłady, jakija nie majuć aficyjnaj rehistracyi ad ukrainskich siłavych struktur abo siertyfikavanych vałanciorskich arhanizacyj.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j8
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary