Dźmitryj nie pakinuŭ šancaŭ pretendentu na čempijonski pojas.
U tytulnym bai naš suajčyńnik nie pakinuŭ šancaŭ arhiencincu Karłasu Ramasu, jaki pretendavaŭ na ŭznaharodu Asanava, piša Tochka.by.
Pajadynak, u jakim było zapłanavana dziesiać raŭndaŭ, zaviaršyŭsia daterminova — u siomym Dźmitryj aformiŭ techničny nakaŭt.
Jašče bolšaj kaštoŭnaści pieramozie biełarusa dadaje toj fakt, što Ramas doŭhi čas vystupaŭ u pieršaj paŭciažkaj vazie, spuściŭšysia na lahčejšuju katehoryju.
Hetaja viktoryja stała dla Asanava 12‑j u prafiesijnaj karjery i 6-j, zdabytaj nakaŭtam.
Adznačym, što paražeńnie ad našaha suajčyńnika stała dla vopytnaha łacinaamierykanca piatym u karjery pry 24 pieramohach.
Dźmitryj Asanaŭ — adzin z samych paśpiachovych biełaruskich baksioraŭ sučasnaści.
Naradziŭsia ŭ 1996 hodzie ŭ Maładziečnie, sportam zajmajecca ź dziacinstva, jaho pieršym trenieram byŭ baćka. U amatarskaj karjery Asanaŭ vyjhraŭ srebra Jeŭrapiejskich hulniaŭ, bronzu čempijanatu śvietu i stanaviŭsia čempijonam Jeŭropy.
Z 2022 hoda vystupaje ŭ prafiesijnym boksie i da siońnia niepieramožny.
Asanaŭ zajmaje 13‑y radok rejtynhu WBC i ŭvachodzić u top-50 pavodle viersii BoxRec.
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary