Šmatdzietnamu palitviaźniu dadali da čatyrochhadovaha terminu jašče 8 miesiacaŭ
Šmatdzietnaha baćku i pradprymalnika Paŭła Kunceviča asudzili pa art. 411 KK RB «Złosnaje niepadparadkavańnie patrabavańniam administracyi papraŭčaj ustanovy», daviedaŭsia Dissident.by.
U 2024 hodzie Paŭła Kunceviča asudzili na 4 hady pazbaŭleńnia voli ŭ kałonii ahulnaha režymu pa č. 3 art. 361 KK RB za «zakliki da sankcyj abo inšych dziejańniaŭ, nakiravanych na škodu nacyjanalnaj biaśpiecy Biełarusi». Rašeńnie vynies Minski haradski sud 22 studzienia 2024 hoda. Pakarańnie jon adbyvaŭ u kałonii №15 (Mahiloŭ).
U 2025 hodzie sud pryznačyŭ Paŭłu jašče 8 miesiacaŭ źniavoleńnia pa art. 411 KK RB, paśla čaho jaho pieraviali ŭ kałoniju № 8 (Orša).
Paŭłu Kunceviču 39 hadoŭ. Jon minčuk, vučyŭsia na psichołaha ŭ Minskim dziaržaŭnym instytucie ekałohii imia Sacharava. Raniej mieŭ ułasnuju handlovuju kropku na Červienskim rynku, apošnim časam zarablaŭ, robiačy ciaplicy. U Paŭła žonka i čaćviora dziaciej, jakija čakajuć jaho doma.
Artykuł 411 KK RB vykarystoŭvajecca jak instrumient dadatkovaha cisku na palitviaźniaŭ i dla padaŭžeńnia terminu źniavoleńnia ŭžo paśla vyniasieńnia asnoŭnaha prysudu. Jak minimum 77 palitźniavolenych u Biełarusi padvierhlisia dadatkovamu pakarańniu pa hetym artykule.
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary