Nasta Bazar znajšła novuju pracu — budzie kaardynavać dapamohu eks-palitviaźniam
Aktyvistka pačynaje pracu ŭ kamandzie varšaŭskaha Centra biełaruskaj salidarnaści.
Nasta Bazar raskazała «Našaj Nivie», što vałancioryła ŭ Centry biełaruskaj salidarnaści 18 śniežnia 2025 hoda, kali tam sustrakali byłych palitviaźniaŭ, vyviezienych praz Ukrainu ŭ Polšču. Z taho času Nasta zajmajecca padtrymkaj palitviaźniaŭ.
U svaich sacsietkach aktyvistka pisała pra toje, jakija rečy patrebnyja departavanym, i prapanavała źbirać ich u CBS — u centry jość svaja prastora. Paźniej, kali byłych palitviaźniaŭ raśsialili pa zdymnych kvaterach, dla ich pačali źbirać i bytavuju techniku.
Praz hetuju pracu Naście ź ciaham času prapanavali dałučycca da kamandy CBS:
«Majoj pracy budzie datyčyć usio, što źviazanaje z padtrymkaj palitźniavolenych. U CBS z 2020 hoda była dobraja vałanciorskaja kamanda, zadača ciapier — pavialičyć jaje i zrabić ustojlivaj, sbałansavanaj i praduktyŭnaj. Vielmi važna kłapacicca pra vałancioraŭ, kab jany mieli siły dbać pra palitźniavolenych.
Ja zastajusia taksama ŭ «pracy rukami» i praciahvaju znachodzić toje, u čym majuć patrebu palitźniavolenyja. Ludzi adhukajucca i prapanujuć svaje rečy ŭ dobrym stanie albo hatovyja niešta nabyć ci pieravieści hrošy, tamu my ŭ CBS zrabili asobny rachunak na humanitarnyja patreby palitźniavolenych. Ja asabista budu kantralavać praces spravazdačy».
Nasta padkreślivaje, što zbor praz CBS — heta nie toje ž samaje, što pryvatnyja zbory na byłych palitviaźniaŭ, jakija ładzić «Bajsoł». CBS budzie źbirać hrošy na humanitarnyja patreby: naprykład, niekamu patrebny artapiedyčny abutak, niekamu — koŭdra z paduškami ci rondali. Kali ludzi pažadajuć niešta nabyć sami i pieradać heta eks-palitviaźniam, Bazar abiacaje z hetym dapamahčy.
«Maja zadača — być u kantakcie z palitźniavolenymi, pryčym nie tolki z apošniaj hrupy, ale z usimi, chto źviartajecca da mianie ci ŭ CBS. Taksama budziem raźvivać vałanciorskuju kamandu i rychtavacca da sustrečy nastupnych hrup palitźniavolenych razam ź vialikaj kolkaściu inšych arhanizacyj, inicyjatyŭ i fondaŭ.
Što datyčycca majoj inšaj aktyvisckaj dziejnaści, jana zastajecca, ja pa-raniejšamu fieministka i pravaabaronca», — kaža Nasta.
«Naša Niva» — bastyjon biełaruščyny
PADTRYMAĆMinčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary