U Biełarusi źjaviŭsia novy servis taksi z Kazachstana — Bro Car. Pieršym horadam, dzie jon pačaŭ pracu, staŭ Hrodna, paviedamlaje autogrodno.by.
Admietnaja rysa novaj słužby — adsutnaść sistemy rejtynhaŭ dla kiroŭcaŭ. U kampanii ličać, što acenki časta byvajuć nieabjektyŭnymi i mohuć pryvieści da niespraviadlivaha błakavańnia, što faktyčna pazbaŭlaje čałavieka mahčymaści pracavać. Pry hetym usie aŭtamabili ŭniesienyja ŭ aficyjny rejestr, tamu, pavodle pradstaŭnikoŭ servisu, pasažyram niama padstaŭ sumniavacca ŭ nadziejnaści pieravozčykaŭ.
Bro Car taksama admoviŭsia ad štrafaŭ dla kiroŭcaŭ za skasavańnie zakazaŭ. Rašeńnie, brać pajezdku ci nie, zastajecca za kiroŭcam biez panižeńnia jaho aktyŭnaści ŭ sistemie. Akramia taho, u adroźnieńnie ad niekatorych inšych słužbaŭ, kiroŭca zahadzia budzie bačyć kančatkovy punkt maršrutu i košt pajezdki.
Pasažyram prapanujuć niekalki taryfaŭ: «Ekanom», «Kamfort», «Kamfort Plus», «Elektra» i, mahčyma, «Univiersał». Taksama možna budzie vyklikać aŭto dla «prykurvańnia» mašyny, buksiroŭki abo zrabić papiaredni zakaz na peŭny čas.
Kampanija abiacaje fiksavanyja taryfy na adnolkavyja adlehłaści biez rezkich skačkoŭ cen. Choć u hadziny pik košt budzie krychu vyšejšy, jon zastaniecca stabilnym dla ŭsich karystalnikaŭ.
Miedycynski ahlad kiroŭcaŭ płanujuć pravodzić z vykarystańniem elektronnych kartak pierad kožnym vyjezdam na liniju. U Bro Car śćviardžajuć, što taki dystancyjny kantrol bolš abjektyŭny i dazvalaje paźbiehnuć čałaviečaha faktaru.
U aŭtamabilach nie budzie zvyčajnych taksomietraŭ — raźliki buduć vieścisia praz elektronnyja kasy, a ček aŭtamatyčna źjavicca ŭ asabistym kabiniecie pasažyra.
Vyklikać taksi možna budzie tolki praz mabilnuju prahramu — pa telefonie servis pracavać nie budzie.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary