З 1 красавіка 2026 года Расія плануе ўвесці больш строгія правілы для ўвозу аўтамабіляў з краін Еўразійскага эканамічнага саюза (ЕАЭС). Праект пастановы расійскага Мінпрамгандлю фактычна ліквідуе папулярную схему, якая дазваляла расіянам эканоміць на мытных плацяжах пры імпарце аўтамабіляў праз Беларусь, Казахстан і Кыргызстан, піша Telegraf.news.
Для расіян гэта азначае, што аўтамабілі, увезеныя такім чынам, стануць даражэйшымі, а ў тых, хто ўжо карыстаўся схемай, могуць запатрабаваць даплаціць розніцу мытных збораў.
Згодна з новым дакументам, аўтамабілі, якія прыватныя асобы ўвозяць для асабістага карыстання з краін ЕАЭС, будуць абкладацца зборам гэтак жа сама, як і аўтамабілі, якія ўвозяць юрыдычныя асобы. У расійскім Мінпрамгандлі тлумачаць, што гэта робіцца для таго, каб «выраўняць умовы аплаты ўтылізацыйнага збору» для ўсіх катэгорый грамадзян.
Раней існавала такая «шчыліна»: прыватныя асобы маглі ўвозіць аўто без даплаты розніцы мыты, калі машына была для асабістага выкарыстання. Продаж такога аўто магчымы быў толькі праз год ці пасля аплаты камерцыйнага ўтылізацыйнага збору, але канчатковая цана ўсё адно заставалася ніжэйшай за кошт эканоміі на мытах.
Асабліва папулярнымі ў імпарцёраў былі Беларусь і Кыргызстан. Паводле звестак агенцтва «Автостат», у 2025 годзе з Беларусі ў Расію ўвозілі 17,1 тысячы новых і 19,1 тысячы ўжываных аўтамабіляў, а з Кыргызстана — 53,6 тысячы новых і 2,8 тысячы ўжываных аўто.
Эксперты тлумачаць, што ў Беларусі машыны афармлялі на мясцовых льготнікаў з 50%-й зніжкай на мыту, а ў Кыргызстане ў мытных дакументах пазначалі зніжаны кошт аўто.
У Беларусі цяпер таксама абмяркоўваецца абмежаванне на самастойны ўвоз аўтамабіляў для наступнага продажу. Беларуская аўтамабільная асацыяцыя прапанавала ўрэгуляваць перапродаж так, каб не парушаць правы грамадзян на магчымасць недарагога набыцця аўто для сябе, уключаючы шматдзетныя сем’і і людзей з інваліднасцю.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары13
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары