Reki i ptuški, abo Kałas, Bietchovien i da Vinčy. Dyzajn kupiur jeŭra ŭpieršyniu za čverć stahodździa źmieniać
Jeŭrapiejski centrabank aficyjna prystupiŭ da pracesu abnaŭleńnia dyzajnu kupiur jeŭra.
Ich źniešni vyhlad nie mianiali z momantu ŭviadzieńnia valuty ŭ abaračeńnie, heta značyć z 1 studzienia 2002 hoda. Na siońniašnich banknotach jeŭra namalavanyja prykłady jeŭrapiejskaj architektury roznych stylaŭ i pieryjadaŭ historyi.
Rehulatar vyłučyŭ dźvie kancepcyi abnoŭlenych banknot.
Pieršaja «Reki i ptuški». Pa zadumcy, kožnaja kupiura atrymaje svoj piejzaž i pradstaŭnika fauny, a z advarotnaha boku adlustrujuć jeŭrapiejskija instytuty kiravańnia. Naprykład, na 10 jeŭra moža źjavicca vadaspad, zimarodak la vadaspadu abo na spakojnym učastku raki, a na advarotnym baku — Jeŭrapiejskaja kamisija. Na 50 jeŭra — źvilistaja raka, bieły busieł nad dalinaj, a na advarotnym baku — Sud Jeŭrapiejskaha sajuza.
Druhaja kancepcyja pryśviečana jeŭrapiejskaj kultury, u pryvatnaści vybitnym postaciam, jakija źmianili navuku, mastactva i historyju. Skažam, na 5 jeŭra chočuć źmiaścić vyjavu śpiavački Maryi Kałas, na 10 jeŭra — kampazitara Ludviha van Bietchoviena, a na 100 jeŭra — Leanarda Da Vinčy.
U sakaviku dyzajniery pavinny padać svaje finalnyja eskizy, a da kanca hoda JECB abvieścić pieramožcaŭ.
Novyja kupiury źjaviacca tolki praź niekalki hadoŭ paśla finalnaha rašeńnia, pakolki vytvorčaść vysokatechnałahičnych banknot patrabuje praciahłaj padrychtoŭki.
Pry hetym i staryja banknoty zastanucca sapraŭdnymi. U Jeŭrapiejskim centrabanku ličać, što jany buduć vychodzić z abaračeńnia pastupova i naturalnym šlacham.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary
Dzie ichnaja raspijaranaja hiendarnaja roŭnaść, i čamu śpiać fieministki?