«Miehatop» pradavaŭ kiedy z palityčnaj abrevijaturaj — prybrali praz 30 chvilin paśla pasta ŭ Azaronka
Abrevijaturu ACAB šmat hadoŭ vykarystoŭvajuć, kab vykazać niehatyŭnaje staŭleńnie da palicyi. U asartymiencie «Miehatop» akazalisia kiedy z hetymi litarami — vynik byŭ pradkazalny.
Anhlijskuju abrevijaturu ACAB rasšyfroŭvajuć jak «all cops are bastards», to-bok «usie kopy — vyb***ki». Raniej jaje vykarystoŭvali na zabastoŭkach pracoŭnych u Brytanii i ŭ turemnych tatu, ale z časam abrevijatura atrymała papularnaść u pratestoŭcaŭ pa ŭsim śviecie, a taksama ŭ futbolnych fanataŭ i skinchedaŭ.
«Miehatop» adkryŭ na svaim sajcie prodaž kiedaŭ z takoj abrevijaturaj. Litary ACAB u hetym vypadku namalavanyja ŭ styli hrafici, abrevijaturu sapraŭdy časta dla hetaha vykarystoŭvajuć.
Na sajcie było paznačana, što hetyja kiedy — navinka. Košt — 49,69 rubloŭ za mienšyja pamiery (šerah pačynaŭsia z 30‑ha pamiera) i kala 54 rubloŭ za bolš vialikija kiedy.
Prapahandysty nie prajšli mima. Źliŭny telehram-kanał «Žoŭtyja źlivy» apublikavaŭ skryn z sajta «Miehatopa», skryn z «Vikipiedyi», dzie tłumačycca značeńnie abrevijatury, i pastavili karotki podpis: «Miehatop», vy tam, handlary, uvohule jab***lisia?».
Praz chvilinu heta ŭ svaim kanale pierapościŭ Ryhor Azaronak, a jašče praz paŭhadziny kiedy razładu źniali z prodažu. Kali ciapier prajści pa spasyłcy, jakaja raniej viała na staronku z kiedami, sistema adkazvaje, što takoj staronki bolš nie isnuje.
«Žoŭtyja źlivy» zaŭvažyli, što kiedaŭ bolš niama. I pačali pahražać:
«Kali bujnaja handlovaja sietka zakuplaje krasoŭki z ekstremisckim nadpisam i baryžyć hetym dziarmom va ŭsich svaich kramach, tut jość podpisy i vizy tavaraznaŭcaŭ, markietołahaŭ, namnamyčaŭ i bolš vysokaha kiraŭnictva. Jany kudy hladzieli?
Usich adkaznych za hetuju dyviersiju — u studyju. Na fonie dźviarej. Ź mierami spahnańnia, kadravymi vysnovami i inšym naležnym dla vypadku reahavańniem».
Azaronak byŭ bolš łakaničny:
«Praklatych handlaroŭ znoŭ vychavali švabraj. Cudoŭna».
Na «Miehatop» skłali pratakoł za nadpis na kiedach i pahražajuć «arhvysnovami»
«Naša Niva» — bastyjon biełaruščyny
PADTRYMAĆCiapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii17
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1414
Kamientary
_______
Skazaŭ, toj chto sa švabry nia złazić