«Bank vyrašyŭ, što mnie dasłaŭ hrošy čałaviek, jaki znachodzicca pad sankcyjami — i zabłakavaŭ ich»
Rasijanie skardziacca, što majuć prablemy z bankaŭskimi rachunkami praz toje, što ich imia i proźvišča supadajuć z danymi ludziej pad sankcyjami. Časam praz takija supadzieńni pakutujuć i biełarusy.
Pra niepryjemny vypadak «Našaj Nivie» raspavioŭ biełarus Andrej (imia źmieniena ŭ metach biaśpieki). Jon užo niekalki hadoŭ žyvie i pracuje ŭ Jeŭropie.
— Sioleta ŭ žniŭni mnie pieraličyŭ hrošy za pasłuhi klijent. Jon rasijanin, ale taksama žyvie i pracuje ŭ Jeŭrasajuzie. U nas abodvuch rachunki ŭ jeŭrapiejskich bankach. Ale amal adrazu, jak klijent zrabiŭ pieralik, bank dasłaŭ mnie list. Kali koratka, to sens byŭ taki: paviedamlałasia, što ŭ banka jość padazreńni, što płaciež ździejśniŭ čałaviek, jaki znachodzicca pad sankcyjami.
Vyśvietliłasia, što imia i proźvišča klijenta Andreja supadajuć ź imiem i proźviščam kahości z «Hazprama» — a toj ciozka sapraŭdy znachodzicca pad sankcyjami. Praz heta hrošy, jakija mužčyna pieraličyŭ biełarusu, zabłakavali.
— Bank prapanavaŭ mnie niekalki varyjantaŭ rašeńnia prablemy: ci admianić pieravod, ci dasłać niejkija dakumienty, jakija b paćvierdzili, što moj klijent — heta nie toj čałaviek, jaki znachodzicca pad sankcyjami. Jon dasłaŭ mnie zdymak svajho jeŭrapiejskaha dazvołu na žycharstva — ja pierasłaŭ fota banku. U pryncypie, hetaha chapiła. Razhladali pytańnie niekalki dzion. A hrošy ad hetaha klijenta zaličyli na moj rachunak tolki praz dva tydni.
U nastupny raz Andrej paprasiŭ prablemnaha klijenta pieraličyć hrošy na kartku inšaha banka (taksama jeŭrapiejskaha), spadziejučysia, što ŭ tym usio budzie praściej. Ale ž nie — situacyja paŭtaryłasia.
— Ja znoŭ dasłaŭ banku zdymak jeŭrapiejskaha DNŽ klijenta. U hetym vypadku historyja skončyłasia chutčej — razbłakavali hrošy litaralna praź niekalki hadzin. Usie nastupnyja płaciažy ad jaho prachodzili biez prablem usiudy. Ale jon raspaviadaje, što jamu čas ad času błakujuć rachunak praz padsankcyjnaha ciozku.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki37
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary