Biznesmien Zajcaŭ bolš nie choča asacyjavacca ź fiestyvalem «Soncastajańnie»
Viadomy biznesmien Alaksandr Zajcaŭ — bolš nie haspadar tavarnaha znaka pružanskaha fiestyvalu «Soncastajańnie». Jon pieraaformiŭ jaho na adnajmiennuju kampaniju, zaŭvažyła vydańnie «Biełorusy i rynok».
Zhodna z danymi Nacyjanalnaha centra intelektualnaj ułasnaści, u studzieni 2026 hoda Alaksandr Zajcaŭ pieraaformiŭ tavarny znak «Soncastajańnie», pad jakim pravodziŭsia rok-fiestyval u Pružanach, ź siabie asabista na adnajmiennuju kampaniju.
Kampanija była stvorana samim ža Zajcavym u 2024 hodzie i paśpieła pravieści, davoli hučna, dva mierapryjemstvy ŭ rodnych miaścinach biznesmiena. Na kancercie ŭ 2025 hodzie pryniali ŭdzieł Viačasłaŭ Butusaŭ, «Aryja», «Čajf», «Alisa», «Krematoryj» i inšyja rasijskija hurty, bolšaść ź jakich zaśviacilisia ŭ aktyŭnaj padtrymcy vajny va Ukrainie.
Praŭda, dalejšy los hetaha fiestyvalu ćmiany. U kancy minułaha hoda jaho arhanizatary paviedamili pra admienu mierapryjemstva ŭ 2026 hodzie. Źviazana heta z tym, što kampaniju nie ŭnieśli ŭ Rejestr arhanizataraŭ kulturna-vidoviščnych mierapryjemstvaŭ. Heta aznačaje, što jany nie majuć prava ažyćciaŭlać prakat zamiežnych vykanaŭcaŭ, u tym liku z Rasii.
Kamientary