Zvolnili dyrektara zakaźnika «Vyhanaščanskaje». Jamu adhuknułasia situacyja z zabojstvam vaŭka pałkaj
Stała viadoma, što ź siońniašniaha dnia nie pracuje Siarhiej Habiec — užo były dyrektar respublikanskaha zakaźnika «Vyhanaščanskaje», što ŭ Ivacevickim rajonie. Heta niepasredny praciah i vynik skandalnaj historyi, jakaja adbyłasia ŭ hetym zakaźniku vosieńniu minułaha hoda.
Pra historyju stała viadoma ŭ siaredzinie vieraśnia. U internecie źjaviłasia videa, na jakim supracoŭnik zakaźnika «Vyhanaščanskaje» pałkaj zabivaje kulhavaje vaŭčania na vačach u dziciaci.
Videa trapiła ŭ sacsietki paśla taho, jak mužčyna sam adpraviŭ zapis znajomamu palaŭničamu.
Tady kadry zdareńnia vyklikali rezanans: častka kamientataraŭ patrabavała pakarać mužčynu, adnak niekatoryja paličyli, što žyvioła mahła być niebiaśpiečnaj i chvareć na šalenstva.
Dyrektar zakaźnika Siarhiej Habiec zajaŭlaŭ, što supracoŭnik dziejničaŭ pravilna, a Ministerstva pryrodnych resursaŭ i achovy navakolnaha asiarodździa paabiacała pravieści pravierku.
Ekśpiertyza pakazała, što voŭk na šalenstva nie chvareŭ.
Paśla paviedamlałasia, što sud pakaraŭ supracoŭnika zakaźnika Alaksandra Ivanova štrafam. Mužčyna abskardziŭ rašeńnie ŭ sudzie vyšejšaj instancyi, i jano było admieniena.
Ciapier ža stała viadoma, što ŭ vyniku dyrektaru zakaźnika Siarhieju Habcu nie praciahnuli pracoŭny kantrakt, i minuły tydzień staŭ dla jaho apošnim na pasadzie. Razam ź im pakinuli pracu ŭ zakaźniku Alaksandr Ivanoŭ i niekatoryja inšyja supracoŭniki.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary
Princiessa była užasnaja
Pohoda była priekrasnaja
Ili
Princiessa była priekrasnaja
Pohoda była užasnaja ?
Na moj vzhlad , oba klijenta dołžny połučiť riealnyj srok i lišienije roditielskich prav . Hotov obosnovať s točki zrienija vysokoj chołodnoj spraviedlivosti, tak i s pozicij uhołovnoho kodieksa
Etim piersonažam niečieho diełať v ochranie prirody!