«Jano ŭžo ŭ darozie!!!»: Tramp zajaviŭ ab adpraŭcy płyvučaha špitala ŭ Hrenłandyju
Niezrazumiełaje paviedamleńnie apublikavaŭ u svajoj sacsietcy prezident ZŠA Donald Tramp — jon abviaściŭ ab pačatku humanitarnaj misii la bierahoŭ Hrenłandyi. Tramp paviedamiŭ, što Złučanyja Štaty nakiroŭvajuć da vostrava bujnoje miedycynskaje sudna dla dapamohi miascovamu nasielnictvu.
«Razam z fantastyčnym hubiernataram Łuizijany Džefam Łendry my źbirajemsia adpravić u Hrenłandyju vialikaje sudna-špital, kab pakłapacicca pra mnohich chvorych, jakim tam nie akazvajecca nieabchodnaja dapamoha. Jano ŭžo ŭ darozie!!!» — napisaŭ Tramp.
Zajava była zroblena napiaredadni viačery dla hubiernataraŭ-respublikancaŭ u Biełym domie, dzie Tramp aktyŭna abmiarkoŭvaŭ hetaje pytańnie z Łendry. Ni Bieły dom, ni ofis hubiernatara pakul nie raskazali padrabiaznaściaŭ misii. ŚMI hadajuć, što za karabiel mieŭ na ŭvazie prezident ZŠA.
Paśla svajho viartańnia ŭ Bieły dom Tramp adnaviŭ rytoryku ab nieabchodnaści ŭstanaŭleńnia kantrolu ZŠA nad Hrenłandyjaj, spasyłajučysia na stratehičnuju važnaść rehijona ŭ supraćstajańni Rasii i Kitaju.
U studzieni na forumie ŭ Davosie jon zajaviŭ pra namier pačać nieadkładnyja pieramovy ab kupli vostrava ŭ Danii: «Ludzi dumali, što ja vykarystaju siłu, ale mnie nie treba vykarystoŭvać siłu. Ja nie chaču vykarystoŭvać siłu. Ja nie budu vykarystoŭvać siłu».
Ciapierašniaja adpraŭka «płyvučaha špitala» moža stać čarhovym krokam u taktycy «miakkaj siły».
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB44
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary