Z akna mahiloŭskaha internata na praśpiekcie Šmita ŭčora vypała 7‑hadovaja dziaŭčynka, paviedamlaje MNS.
Učora ŭ 18:29 minaki patelefanavali ŭ MNS i raskazali, što na kazyrku piacipaviarchovaha internata znachodzicca dzicia. Ratavalniki, jakija prybyli na miesca, znajšli siamihadovuju dziaŭčynku i pieradali jaje miedykam.
Jak vyśvietliłasia, dziaŭčynka, jakaja pražyvaje ŭ hetym internacie, adčyniła akno ŭ faje kalidora, kab paklikać adnakłaśnika, nachiliłasia napierad, straciła raŭnavahu i ŭpała z akna 3‑ha paviercha na kazyrok padjezda na ŭzroŭni 2‑ha paviercha.
Rabotniki MNS pry dapamozie aŭtaleśvicy źniali dziaŭčynku z kazyrka i pieradali miedykam. Dzicia špitalizavana.
Kamientary