SK raskazaŭ padrabiaznaści pra napad rasijskich maładzionaŭ na siamju ŭ Smalavickim rajonie
Na minułym tydni stała viadoma, što ŭ Smalavickim rajonie ŭnačy troje maładych ludziej z Rasii ŭvarvalisia ŭ dom ź bitami i pistaletami. Padrabiaznaści rezanansnaj spravy ŭ efiry «Radyjo-Minsk» raskazaŭ aficyjny pradstaŭnik Śledčaha kamiteta Alaksandr Suchadolski, paviedamlaje ahienctva «Minsk-Naviny».
Incydent adbyŭsia nočču 16 lutaha ŭ ahraharadku Budahova Smalavickaha rajona. U jakaści achviar byli abranyja 63‑hadovy haspadar doma, jaho 65‑hadovaja žonka i 67‑hadovy brat.
Napadniki — dvoje 18‑hadovych žycharoŭ horada Kstova Nižaharodskaj vobłaści i 17‑hadovy padletak ź Nižniaha Noŭharada.
Jak vyśvietliła śledstva, raniej nie sudzimyja maładyja ludzi, jakija nidzie nie pracavali, atrymali zakaz na hvałtoŭnyja dziejańni praz Telegram. Nieviadomy pracadaŭca paabiacaŭ im 300 tysiač rasijskich rubloŭ (kala 3900 dalaraŭ) za hetuju dziorzkuju «padpracoŭku». Ad najomnikaŭ patrabavałasia pryjechać na dadzieny im adras, žorstka źbić žylcoŭ (až da pierałomaŭ) i źniać usio na videa.
Napiaredadni napadu troje maładzionaŭ pryjechali ŭ Minsk, dzie arendavali kvateru i aŭtamabil praz karšerynh. Kala pałovy na piatuju ranicy, nadzieŭšy bałakłavy, jany prabralisia na terytoryju doma na vulicy Soniečnaj u Budahovie.
Haspadar doma pačuŭ brech sabaki i vyzirnuŭ u akno. Zaŭvažyŭšy niaprošanych haściej, jon paśpieŭ nacisnuć tryvožnuju knopku Departamienta achovy MUS. Zrazumieŭšy, što ich vykryli, nalotčyki ŭzłamali akno i ŭvarvalisia ŭsiaredzinu. Pahražajučy pnieŭmatyčnymi pistaletami, jakija jany vydavali za bajavuju zbroju, złačyncy pačali źbivać pažyłych ludziej rukami, nahami i biejsbolnaj bitaj.
Adnak davieści zadumanaje da kanca im nie dali. Sihnał tryvohi spracavaŭ imhnienna: užo praź siem chvilin na miescy byli supracoŭniki milicyi. Dva patruli Departamienta achovy zabłakavali dom i zatrymali dvaich napadnikaŭ. Treci pasprabavaŭ źbiehčy ź pistaletam, ale taksama byŭ zatrymany na terytoryi Smalavickaha rajona.
U vyniku napadu ŭsie troje žylcoŭ atrymali traŭmy. Najbolšaja škoda pryčynienaja žančynie — u jaje adkryty pierałom plača. Mužčyny abyšlisia ŭdarami i ranami. Na miescy zdareńnia śledčyja znajšli ceły arsienał: dva pnieŭmatyčnyja pistalety, bitu, dva nažy, hazavy bałončyk, remień z kastetam i inšyja rečavyja dokazy.
U dačynieńni da zatrymanych zaviali kryminalnuju spravu pa artykule «Zamach na pryčynieńnie ciažkich cialesnych paškodžańniaŭ hrupaj asob pa najmie» (č. 1 art. 14, p. 6 i 9 č. 2 art. 147 KK). Sankcyja artykuła praduhledžvaje da 10 hadoŭ pazbaŭleńnia voli. Usie troje ŭziatyja pad vartu. Śledčyja vyśviatlajuć asobu zakazčyka i matyvy złačynstva.
Z paviedamleńnia SK, adnak, pa-raniejšamu niezrazumieła, čamu napali mienavita na hetuju siamju i čamu ŭ ich ža stajała tryvožnaja knopka milicyi.
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak
«Dla nas heta šok, nie možam pavieryć». Žychary vioski pad Smalavičami raskazali, jak pieražyli načny nalot rasijskich padletkaŭ
Padrabiaznaści napadu padletkaŭ ź bitaj i pistaletami na katedž u Smalavickim rajonie
U vioscy, na jakuju niadaŭna zrabili nalot rasijskija padletki, zatrymali mužčynu z narkotykami
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB17
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary