U vioscy, na jakuju niadaŭna zrabili nalot rasijskija padletki, zatrymali mužčynu z narkotykami
U Smalavickim rajonie raspačali kryminalnuju spravu ŭ dačynieńni da 41‑hadovaha žychara vioski Budahova. Mužčynu, jaki nidzie nie pracuje, padazrajuć u niezakonnym zachoŭvańni asabliva niebiaśpiečnaha psichatropnaha rečyva — tetrahidrakanabinołu, paviedamlaje sajt smolevichi-24.by.
Pa źviestkach Śledčaha kamiteta, u mužčyny znajšli nie mienš za 2,11 hrama niebiaśpiečnaha rečyva. Spravu zaviali pavodle častki 1 artykuła 328 Kryminalnaha kodeksa Biełarusi, jakaja praduhledžvaje adkaznaść za niezakonnaje nabyćcio, zachoŭvańnie, pieravozku abo vyrab narkatyčnych srodkaŭ i psichatropnych rečyvaŭ biez mety zbytu.
Sankcyja artykuła praduhledžvaje pakarańnie ad abmiežavańnia voli da piaci hadoŭ abo pazbaŭleńnia voli na termin ad dvuch da piaci hadoŭ. Mužčynu zatrymali i źmiaścili pad vartu. Pavodle zakanadaŭstva, užo sam fakt zachoŭvańnia zabaronienaha rečyva ličycca zavieršanym składam złačynstva.
Ci źviazana sprava hetaha mužčyny ź niadaŭnim nalotam rasijskich padletkaŭ na adzin z katedžaŭ u hetym nasielenym punkcie, jaki, mahčyma, taksama moh być źviazany z narkatyčnymi spravami, nie paviedamlajecca.
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak
«Dla nas heta šok, nie možam pavieryć». Žychary vioski pad Smalavičami raskazali, jak pieražyli načny nalot rasijskich padletkaŭ
«Kubrakoŭ — małajčyna!». Łukašenka pachvaliŭ dziejnaść milicyi padčas napadu ŭ Smalavickim rajonie
Padrabiaznaści napadu padletkaŭ ź bitaj i pistaletami na katedž u Smalavickim rajonie
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ5
Kamientary