Zabłakavanyja akaŭnty ChatGPT, źviazanyja z rasijskim Z-kanałam «Rybar»
Jany hienieravali pasty i kamientary dla sacsietak na ruskaj, anhlijskaj dy ispanskaj movach, jakija zatym publikavalisia jak u akaŭntach «Rybara», tak i ŭ dziasiatkach inšych akaŭntaŭ u X i Telegram
OpenAI apublikavała spravazdaču pra złoŭžyvańni štučnym intelektam, u jakoj paviedamiła pra błakavańnie sietki akaŭntaŭ, źviazanaj z pravajennym telehram-kanałam «Rybar», piša The Bell.
Paviedamlajecca, što z dapamohaj štučnaha intelektu akaŭnty «Rybara»:
— hienieravali pasty i kamientary dla sacsietak na ruskaj, anhlijskaj dy ispanskaj movach, jakija zatym publikavalisia jak u akaŭntach «Rybara», tak i ŭ dziasiatkach inšych akaŭntaŭ u X i Telegram;
— stvarali videa praz Sora dla prasoŭvańnia «Rybara»;
— raspracoŭvali kamiercyjnyja prapanovy dla klijentaŭ: viadzieńnie akaŭntaŭ, «žurnalisckija» sajty, sietki dla ŭzmacnieńnia achopu publikacyj;
— pracavali praź źviazanaje z «Rybaram» vydańnie REST Media.
U adnym z vypadkaŭ karystalnik zahruziŭ artykuł REST Media pra toje, što Hiermanija nibyta stvaraje sietku ŭpłyvu ŭ Małdovie, paprasiŭ ChatGPT zhienieravać kamientary, jakija paśla byli apublikavanyja roznymi Telegram-kanałami sa spasyłkaj na REST;
Jany taksama vykarystoŭvali ChatGPT dla płanavańnia apieracyj u Afrycy z metaj upłyvu na vybary ŭ Demakratyčnaj Respublicy Konha, Kamierunie, Burundzi i na Madahaskary, uklučna z arhanizacyjaj pratestaŭ na miescach.
Hadavy biudžet najbujniejšaha prajekta aceńvaŭsia na 600 tysiač dalaraŭ.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
2. Acanicie ŭzrovień kamientaryjaŭ, jaki budzie z dapamohaj ŠI. Ja daŭno ździŭleny, što hetaha jašče niama ŭ vialikich pamierach.
3. Technaaptymisty spadziavajucca, što technałohii palepšać śviet. Z tym ža pośpiecham jany jaho i paharšajuć.
4. Kab nie być achviaraj śmiećcievaha miedyjapatoka, zastajecca palapšać jakaść krytyčnaha myšleńnia.
Na žal, u škołach dahetul nie razumiejuć, što heta hałoŭnaje ŭ adukacyi (kažu pra zachodnija, pra postsavieckija nadziej niama).