Premjer-ministr Armienii Nikoł Pašynian vybačyŭsia pierad svajoj hramadzianskaj žonkaj Hannaj Akapian paśla taho, jak jana abjaviła pra zaviaršeńnie ich adnosin. Prabačeńni palityk prynios u svaim Telegram-kanale.
«Z pavahaj staŭlusia da rašeńnia Hanny. Apošnija 30 hadoŭ jana była pobač va ŭsie ciažkija časy, maim prytułam i aporaj. Nie ŭpeŭnieny, što byŭ takim ža. Mahčyma, ja pryčyniŭ joj jašče bolš hora, za što prašu prabačeńnia», — zajaviŭ premjer.
Akapian raniej napisała ŭ Facebook, što pakidaje sumiesnaje žyllo.
«Jak ja ŭžo abjaŭlała, moj šlub z premjer-ministram Nikołam Pašynianam razarvany. Siońnia, 25 lutaha, ja pakidaju ŭradavuju rezidencyju», — paviedamiła jana.
Jana taksama nie vyklučyła mahčymaści raspačynańnia kryminalnaj spravy suprać siabie. «Taki chod padziej mahčymy. Pahladzim, što budzie», — adznačyła Akapian.
Akapian 17 lutaha paviedamiła, što jaje hramadzianski šlub z premjeram Armienii zakončany. Tady jana nie ŭdakładniła, ci byli jany aficyjna ŭ šlubie, ci para raźviałasia.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary