Iran atakavaŭ francuzskuju bazu ŭ Abu-Dabi — adna z rakiet upała za niekalki mietraŭ ad kruiznaha łajniera z turystami
Korpus vartavych isłamskaj revalucyi (KVIR) Irana zajaviŭ pra naniasieńnie kambinavanych udaraŭ pa vajennych abjektach na terytoryi Abjadnanych Arabskich Emirataŭ. Hałoŭnaj cellu stała francuzskaja vajenna-marskaja baza Camp de la paix («Łahier miru») u Abu-Dabi. Incydent vyklikaŭ paniku siarod jeŭrapiejskich turystaŭ: adzin sa snaradaŭ razarvaŭsia ŭ vadzie ŭ niepasrednaj blizkaści ad pasažyrskaha łajniera.
Aficyjnaje paćvierdžańnie ataki pastupiła ad Ministerstva abarony AAE. Pavodle dadzienych viedamstva, pa vajenna-marskoj bazie Al-Sałam u Abu-Dabi ŭdaryli dva iranskija bieśpiłotniki. U vyniku ataki ŭspychnuŭ pažar u dvuch kantejnierach z budaŭničymi materyjałami. Infarmacyi pra zahinułych abo paranienych na dadzieny momant niama.
Pavodle papiarednich acenak ekśpiertaŭ, dla napadu vykarystoŭvalisia drony-kamikadze typu Shahed.
Camp de la paix (z fr. — «Łahier miru») — heta stratehičny vajenny abjekt Uzbrojenych sił Francyi ŭ AAE, adkryty ŭ 2009 hodzie tahačasnym prezidentam Nikala Sarkazi. Jaje stvareńnie stała vynikam abaronnaha pahadnieńnia pamiž Paryžam i Abu-Dabi. Heta była pieršaja francuzskaja vajennaja baza, stvoranaja za miežami Afryki za paŭstahodździa.
U svaju čarhu, iranski KVIR uziaŭ na siabie adkaznaść nie tolki za ŭdar pa francuzskim abjekcie. U Tehieranie zajavili, što adnačasova z hetym čatyry balistyčnyja rakiety byli vypuščanyja pa amierykanskim avijanoscy USS Abraham Lincoln. Adnak niezaležnaha paćvierdžańnia abo kamientaryjaŭ z boku ZŠA nakont ataki na karabiel pakul nie pastupała.
Panika na niamieckim kruiznym łajniery
Ataka na vajennyja abjekty ledź nie pryviała da masavych achviar siarod hramadzianskaha nasielnictva. Jak paviedamlaje niamieckaje vydańnie BILD sa spasyłkaj na vidavočcaŭ, adna z rakiet upała ŭ akvatoryi porta Zajed litaralna za niekalki mietraŭ ad kruiznaha łajniera Mein Schiff 4, jaki naležyć kampanii TUI Cruises.
Pasažyry karabla pieražyli sapraŭdny šok. Adzin ź niamieckich turystaŭ paśpieŭ paviedamić žurnalistam, što kala 16:30 (pa niamieckim časie) na mabilnyja telefony ludziej pryjšło ekstranaje apaviaščeńnie z zahadam nieadkładna sabracca ŭ teatry na borcie sudna. Paśla hetaha suviaź ź im pierapyniłasia. Na hety momant nieviadoma, ci jość paciarpiełyja siarod 2500 pasažyraŭ i 1000 členaŭ ekipaža.
Situacyja surjozna ŭdaryła pa turystyčnaj halinie ŭ rehijonie. Ciapier u partach Dubaja, Abu-Dabi i Dochi (Katar) pryšvartavanyja šeść vialikich kruiznych łajnieraŭ roznych kampanij (u tym liku MSC Cruises i Celestyal Cruises). Apieratary ŭžo abviaścili ab admienie bližejšych rejsaŭ i pracujuć razam ź miascovymi ŭładami nad zabieśpiačeńniem biaśpieki turystaŭ.
«Naša Niva» — bastyjon biełaruščyny
PADTRYMAĆ
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra9
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary