Zialenski raskazaŭ, što rasijskija śpiecsłužby 11 razoŭ sprabavali jaho zabić
Dzieci prezidenta Ukrainy žyvuć u sakretnym miescy.
Prezident Ukrainy Uładzimir Zialenski raskazaŭ u padkaście World of Trouble brytanskaj haziety Independent, što rasijskija śpiecsłužby prynamsi 11 razoŭ sprabavali jaho zabić. Pa mierkavańniach biaśpieki jamu davodzicca tolki zredku naviedvać žonku i dziaciej, jakich jaho prysutnaść moža pastavić pad pahrozu, pierakazvaje Bild.
Zialenski taksama raspavioŭ, što jahonyja dzieci adčuvajuć na sabie tyja ž prablemy, što i mnohija dzieci va Ukrainie: «Jany chodziać u škołu, jany vučacca i pavinny vielmi chutka biehčy ŭ schovišča [padčas pavietranaj tryvohi]». Dzieci Uładzimira i Aleny Zialenskich, 13‑hadovy Kirył i 21‑hadovaja Alaksandra, žyvuć u sakretnym miescy — kab taksama nie padvierhnucca zamacham.
Sam prezident Ukrainy, pavodle jaho słoŭ, taksama pravodzić bolšuju častku času ŭ roznych abaronienych miescach. Rasijskija śpiecsłužby nazirajuć za kožnym jaho rucham. Pavodle jahonych źviestak, śpiecpadraździaleńni FSB atrymali zahad «abiezhałović» ukrainskaje kiraŭnictva.
Kamientary