«Ja dziakuju Bohu, što kraina, ź jakoj vy vajujecie, siońnia nie vorah Vienhryi». Orban adkazaŭ Viktaru Juščanku na jahony adkryty list
Vienhierski premjer Viktar Orban adkazaŭ na adkryty list eks-prezidenta Ukrainy Viktara Juščanki z zaklikam «viarnucca da śviatła». Adkaz jon raźmiaściŭ u sacsietcy Ch, pieradaje «Jeŭrapiejskaja praŭda».
Orban źviartajecca da Juščanki «moj daŭni siabar» i pačynaje svoj list z histaryčnaha ekskursu ŭ toje, jakimi zmaharami za svabodu zaŭsiody byli vienhry.
«My praciahvajem hetu tradycyju siońnia. Kali łaska, papiaredźcie vašaha prezidenta: ruki preč ad svabody vienhraŭ. Kali łaska, pierakanajcie vašaha prezidenta nie šantažavać i nie pahražać ni majoj krainie, ni jaje lidaram», — piša vienhierski premjer.
«Vienhry — svabodny narod. Vaša baraćba za svabodu nie daje vam prava šantažavać nas abo dyktavać nam umovy. Kali łaska, dajcie vašamu prezidentu zrazumieć, što dziaržaŭny teraryzm, z dapamohaj jakoha jon padarvaŭ niamiecki hazapravod «Paŭnočny patok», nie spracuje suprać Vienhryi», — śćviardžaje Orban.
Jon taksama zhadaŭ pra toje, što Vienhryja, maŭlaŭ, pryniała ŭkrainskich biežancaŭ, adkryŭšy dla dziaciej ukrainamoŭnyja škoły — «toje, u čym vy admaŭlajecie vienhram na Zakarpaćci».
«Ja dziakuju Bohu, što kraina, ź jakoj vy zaraz znachodziciesia ŭ stanie vajny, siońnia nie źjaŭlajecca voraham ni Vienhryi, ni vienhraŭ, i my nie majem namieru heta źmianiać. My, jak i raniej, chočam zastavacca vašymi siabrami, ale my nie budziem udzielničać u vašaj vajnie», — piša Orban.
«Ja žadaju, kab vaša bratazabojčaja vajna nie skončyłasia fatalnym asłableńniem ukrainskaj dziaržavy i kab my mahli viarnucca da staroha duchu ŭkrainska-vienhierskaha siabroŭstva», — zajaŭlaje jon.
U kancy lista vienhierski premjer dadaŭ, što hatovy prapanavać Juščanku abo jaho siamji «biaśpiečnaje miesca», kali jamu kali-niebudź «budzie pahražać niejkaja zamiežnaja dziaržava».
«Hladžu na tvaje dziejańni i pytajusia siabie: kudy dzieŭsia toj Viktar?» Viktar Juščanka napisaŭ adkryty list da Viktara Orbana
«Trajanski koń» Pucina. Chto taki Viktar Orban i čyj bok jon sapraŭdy zajmaje?
Orban zajaviŭ, što ŭkraincy nibyta pahražajuć jahonaj siamji VIDEA
Vienhryja spynić tranzit važnych dla Ukrainy pastavak, pakul taja znoŭ nie zapuścić naftapravod «Družba»
Pucin addaŭ Vienhryi dvuch ukrainskich pałonnych ź vienhierskim hramadzianstvam. MZS Ukrainy: Heta cyničny pijar
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary