Lidary ES nie zmahli pierakanać Vienhryju razbłakavać kredyt Ukrainie na 90 młrd jeŭra
Kiraŭnica Jeŭrakamisii Ursuła fon der Lajen paabiacała, što «tym ci inšym čynam» Kijeŭ atrymaje abiacanyja srodki.
ES prosić Jeŭrakamisiju znajści mahčymaść vypłaty Ukrainie ŭzhodnienaha kredytu na 90 młrd jeŭra paśla taho, jak lidaram sajuza nie ŭdałosia ŭhavaryć premjera Vienhryi Viktara Orbana pahadzicca na jaho vyłučeńnie, piša Reuters sa spasyłkaj na zajavu kanclera Hiermanii Frydrycha Mierca.
Mierc nazvaŭ dziejańni Orbana biesprecedentnym «aktam surjoznaj niełajalnaści». «Heta nie projdzie biasśledna», — skazaŭ jon žurnalistam paśla samitu lidaraŭ ES u Brusieli 19 sakavika.
Pa słovach staršyni Jeŭrapiejskaj rady Antoniu Košta, lidary ES asudzili pavodziny Vienhryi. «Ździełka jość ździełka, i ŭsie lidary pavinny strymać hetaje słova. I nichto nie moža šantažavać Jeŭrapiejskuju radu», — skazaŭ jon.
Kiraŭnica Jeŭrakamisii Ursuła fon der Lajen paabiacała, što «tym ci inšym sposabam» Kijeŭ atrymaje abiacanyja srodki.
Kredyt na 90 młrd jeŭra byŭ uzhodnieny jašče ŭ 2025 hodzie, adnak Vienhryja, sajuźnik Maskvy, užo niekalki miesiacaŭ błakuje rašeńnie ab jaho vyłučeńni, jakoje pavinna być padtrymana ŭsimi krainami — členami ES.
Pazicyja Budapiešta zastajecca niaźmiennaj na fonie spynieńnia pracy ŭ studzieni 2026 hoda trubapravoda «Družba», jaki prachodzić pa terytoryi Ukrainy, pa jakim Vienhryja atrymlivaje rasijskuju naftu. Kijeŭ tłumačyŭ prypynieńnie tranzitu paškodžańniem trubapravoda ŭ vyniku rasijskaj ataki. Orban nie raz zajaŭlaŭ, što Vienhryja budzie błakavać vyłučeńnie hrošaj Kijevu, pakul praca «Družby» nie adnovicca.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary
Kali kamuści patrebny hetyja 90 miljardaŭ, adnavić pracu tranzitu nafty vyhladaje razumnym krokam.