Adnu z žančyn pa spravie «dvarovych čataŭ» asudzili na 10 hadoŭ
Viadomyja proźviščy ŭžo šaści žančyn, jakich asudzili da vialikich terminaŭ pa spravie «dvarovych čataŭ».
U Minsku 19 sakavika vynieśli prysud pa hučnaj spravie «dvarovych čataŭ». Jak stała viadoma pravaabaroncam «Viasny», ahułam pa hetaj spravie asudzili vosiem žančyn.
Ich abvinavacili pavodle art. 357 Kryminalnaha kodeksa «zmova abo inšyja dziejańni, ździejśnienyja z metaj zachopu dziaržaŭnaj ułady».
Buchhałtarku Irynu Jakaŭlevu i Anžełu Aharok asudzili da 8,5 hadoŭ kałonii kožnuju, a Viktoryju Hryńko — da 9 hadoŭ. Pa hetaj spravie taksama asudzili palitźniavolenuju Natallu Daroninu, muža jakoj dniami pamiłavali, — joj taksama pryznačyli 8,5 hadoŭ. Taksama ŭsim pryznačyli štraf 1000 bazavych vieličyniaŭ (45 tysiač rubloŭ).
Śviatłanu Miacielskuju asudzili da 10 hadoŭ kałonii, a Volhu Varabjovu — na 8 hadoŭ i 3 miesiacy pazbaŭleńnia voli.
Proźviščy jašče dźviuch žančyn vyśviatlajucca.
Kamientary