Тэгеран абвяргае словы Трампа: «Ніякіх перамоў няма, ён адступіў з-за нашых пагроз»
Іранскія дзяржаўныя медыя выступілі з абвяржэннямі пасля слоў Дональда Трампа пра нібыта паспяховыя перамовы з Іранам. Паводле інфармацыі Тэгерана, ніякіх кантактаў з Вашынгтонам не адбывалася, а змена рыторыкі Белага дома выкліканая выключна страхам перад маштабным ударам у адказ.
Агенцтва Fars сцвярджае, што паміж бакамі няма «ні прамой, ні ўскоснай сувязі праз пасярэднікаў». Паводле даных агенцтва, Трамп аддаў загад адкласці ўдары толькі пасля таго, як пачуў папярэджанне:
у выпадку атакі на іранскія аб’екты цэлямі ўдараў Тэгерана стануць усе электрастанцыі на Блізкім Усходзе.
Агенцтва Tasnim са спасылкай на ўласную крыніцу пацвярджае, што «ніякіх перамоў не было і няма». Суразмоўца агенцтва заявіў, што амерыканскі прэзідэнт адмовіўся ад бамбардзіровак энергетычнай інфраструктуры Ірана, калі зразумеў, што іранскія пагрозы «набылі пераканаўчасць».
Акрамя ваеннай пагрозы, крыніцы Tasnim называюць яшчэ некалькі прычын адступлення Трампа.
Сярод іх — моцны ціск з боку фінансавых рынкаў і крытычная сітуацыя з сусветнымі цэнамі на энерганосьбіты.
Іранскія афіцыйныя асобы падкрэсліваюць, што з пачатку канфлікту праз пасярэднікаў перадаваліся паведамленні, на якія Тэгеран даваў нязменны выразны адказ: краіна будзе працягваць абарону і не пойдзе на саступкі пад ціскам.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары