Stali viadomyja proźviščy ŭsich žančyn, jakich asudzili da vialikich terminaŭ pa spravie «dvarovych čataŭ»
U Minsku 19 sakavika vynieśli prysud pa hučnaj spravie «dvarovych čataŭ». Ahułam pa hetaj spravie asudzili vosiem žančyn, jakich abvinavacili pavodle art. 357 KK «zmova abo inšyja dziejańni, ździejśnienyja z metaj zachopu dziaržaŭnaj ułady», piša «Viasna».
Raniej było viadoma, što buchhałtarku Irynu Jakaŭlevu i Anžełu Aharok asudzili da 8,5 hadoŭ kałonii kožnuju, a Viktoryju Hryńko — da 9 hadoŭ. Pa hetaj spravie taksama asudzili palitźniavolenuju Natallu Daroninu, muža jakoj dniami pamiłavali, — joj taksama pryznačyli 8,5 hadoŭ. Śviatłanu Miacielskuju asudzili da 10 hadoŭ kałonii, Volhu Varabjovu — na 8 hadoŭ i 3 miesiacy pazbaŭleńnia voli.
Taksama pa hetaj spravie prachodziła Volha Osipčyk, jakaja atrymała da 8,5 hadoŭ kałonii. Asudzili jašče i Dzijanu Haŭryłavu, ale jaje termin pakul nieviadomy.
Taksama ŭsim žančynam pryznačyli štraf u pamiery 1000 bazavych vieličyniaŭ.
Adnu z žančyn pa spravie «dvarovych čataŭ» asudzili na 10 hadoŭ
Trom minčankam dali pa 8‑9 hadoŭ pa spravie dvarovych čataŭ
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie
Buchhałtarku ź Minska asudzili na 8,5 hoda pa spravie «dvarovych čataŭ»
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju84
Kamientary