Сталі вядомыя прозвішчы ўсіх жанчын, якіх асудзілі да вялікіх тэрмінаў па справе «дваровых чатаў»
У Мінску 19 сакавіка вынеслі прысуд па гучнай справе «дваровых чатаў». Агулам па гэтай справе асудзілі восем жанчын, якіх абвінавацілі паводле арт. 357 КК «змова або іншыя дзеянні, здзейсненыя з мэтай захопу дзяржаўнай улады», піша «Вясна».
Раней было вядома, што бухгалтарку Ірыну Якаўлеву і Анжэлу Агарок асудзілі да 8,5 гадоў калоніі кожную, а Вікторыю Грынько — да 9 гадоў. Па гэтай справе таксама асудзілі палітзняволеную Наталлю Дароніну, мужа якой днямі памілавалі, — ёй таксама прызначылі 8,5 гадоў. Святлану Мяцельскую асудзілі да 10 гадоў калоніі, Вольгу Вараб'ёву — на 8 гадоў і 3 месяцы пазбаўлення волі.
Таксама па гэтай справе праходзіла Вольга Осіпчык, якая атрымала да 8,5 гадоў калоніі. Асудзілі яшчэ і Дзіяну Гаўрылаву, але яе тэрмін пакуль невядомы.
Таксама ўсім жанчынам прызначылі штраф у памеры 1000 базавых велічыняў.
Каментары