Vyzvalili aryštavanych pa «spravie kniharoŭ» Alesia Jaŭdachu i Vacłava Bahdanoviča
Za kratami praciahvajuć znachodzicca Źmicier Kołas i dačka Vacłava — Viktoryja Bahdanovič.
Pavodle infarmacyi pravaabaroncaŭ z «Viasny», Aleś Jaŭdacha i Vacłaŭ Bahdanovič znachodziacca na voli.
Jaŭdachu vypuścili ź SIZA KDB, a Bahdanoviča — ź IČU.
Nahadajem, što 3 sakavika «ekstremisckim farmavańniem» pryznali «kaalicyju drukavanych vydaviectvaŭ «Fond Kamunikat.org», «Lohvinau Publishing House», «Andrei Yanushkevich Publishing». Adpaviednaje rašeńnie pryniaŭ Kamitet dziaržaŭnaj biaśpieki.
Hetaje rašeńnie stała praciaham masavych zatrymańniaŭ vydaŭcoŭ i kniharaspaŭsiudnikaŭ u Minsku, jakija adbylisia ŭ lutym. Usich zatrymanych spačatku adpravili na sutki pa administracyjnych pratakołach, składzienych, jak zvyčajna ciapier, z nadumanych padstaŭ.
U śpisie ludziej, jakich ułady ličać źviazanymi z hetaj «kaalicyjaj», — viadomyja ŭ knižnym asiarodździ imiony: Źmicier Kołas, Vacłaŭ Bahdanovič, Aleś Jaŭdacha (jany znachodziacca ŭ Biełarusi), a taksama Jarasłaŭ Ivaniuk (biełarus z Padlašša, hramadzianin Polščy), Ihar Łohvinaŭ i Andrej Januškievič (hramadzianie Biełarusi, vyjechali za miažu paśla 2021 hoda). Taksama ŭ pieralik uklučyli sajty i sacyjalnyja sietki vydaviectvaŭ.
Aryštavanych pa spravie kniharoŭ pieraviali ŭ SIZA KDB. Siarod ich i dačka adnaho sa schoplenych
Pryznali palitviaźniami jašče 11 čałaviek, u tym liku zatrymanych kniharoŭ
Sprava kniharoŭ. Čym viadomyja Kołas, Jaŭdacha i Bahdanovič, jakich aryštavali za vydańnie i raspaŭsiud knih
KDB abvieściŭ zatrymanych knihavydaŭcoŭ Jaŭdachu, Bahdanoviča i Kołasa ŭdzielnikami ekstremisckaha farmavańnia
Kamientary