Pobač z handlova-zabaŭlalnym centram «Tytan» na praśpiekcie Dziaržynskaha, 104 adkryvajecca novaja halereja ź vialikim fudkortam. Testavaje adkryćcio adbyłosia siońnia, piša Realt.by
Dla «Tytana» heta stanie samym maštabnym abnaŭleńniem za ŭsiu jaho historyju. Kompleks, znajomy haradžanam z 2009 hoda, papoŭniŭsia novaj handlovaj halerejaj płoščaj 7,5 tys. «kvadrataŭ». Toje, što raniej było vuličnaj arkaj i ofisnymi pamiaškańniami, pieratvaryłasia ŭ trochpaviarchovuju prastoru z panaramnymi voknami, vysokimi stolami pad 5 mietraŭ i šyrokimi prachodami.
Pieršyja dva ŭzroŭni halerei adviedzieny pad kramy adzieńnia i abutku. Taksama ŭ novaj halerei źjaviacca juvielirnyja kramy, kramy kaśmietyki i parfumieryi, apteka, barbieršop.
La ŭvachodu ŭ novuju častku raźmieścicca kaviarnia Paragraph z adkrytaj pasadkaj, a ŭ «Chinkalni» i «Adesa-mama» źjaviacca dadatkovyja miescy z vyhladam na atryum. Kab naviedvalnikam było praściej aryjentavacca, u HZC abnavili navihacyju i ŭstalavali multymiedyjny ekran.
Treci pavierch zrabili skraznym, kab možna było prajści kompleks naskroź. Mienavita tut adkryjecca novy fudkort, jaki abjadnaje kala dziesiaci roznych karneraŭ.
U mieniu abiacajuć raznastajnaść — ad amierykanskich burhieraŭ u States i italjanskaj picy ŭ Koala da turkmienskich kiebabaŭ u KaraKum i mieksikanskich zakusak u Cacto. Taksama možna budzie zamović tajskija supy ŭ Pad Thai, šaurmu ŭ «Oho!», uźbiecki płoŭ u Sufra i zvykłuju chatniuju kuchniu ŭ «Šeff-bufiecie». Usiaho tut budzie kala 200 pasadačnych miescaŭ. Dadatkova ŭstalavali vialiki ekran dla tranślacyj.
«My rady, što možam udaskanalvać prastoru dla našych haściej. Halereja atrymałasia zručnaj, stylnaj i sučasnaj, a novy fudkort — prastornym i raznastajnym: ciapier u nas sapraŭdy pradstaŭleny vialiki vybar na luby hust», — adznačaje kiraŭnica HZC «Tytan» Iryna Sobal.
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary