Jon byŭ dziejny da 2030 hoda.
«A ja pa naiŭnaści jašče raz raźličvaŭ, što da 2030 hoda maju prystojny luft: za hety čas abo išak zdochnie, abo padzišach pamre. Litaralna na tonieńkaha paśpieŭ zrabić novy ŭ pačatku leta 2020-ha. Cikava, kab niechta pieršym nie prajaviŭ inicyjatyvu pravieryć sapraŭdnaść siniaj knižki — tak i maŭčali b? Peŭna, što tak. Praŭda, u hetym šerahu jość jašče i treci varyjant — sam trymalnik pašparta zdyrdzicca. I ŭsio ž apošniaje chočacca pieravieści ŭ tearetyčnaje rečyšča, zanadta šmat jašče niezakrytych hieštaltaŭ mienavita na radzimie…
Ščyra kažučy, kali pačynajučy z vosieńskaj partyi źjavilisia źviestki, što niekatorych vytarhavanych viaźniaŭ vystavili biez pašpartoŭ, stała navat niajomka pieražyvać, što ŭ našaj pieršaj adnosna masavaj, letniaj hrupoŭki zabrali tolki sudovyja prysudy, apielacyi, listy ad rodnych. Jak akazałasia, dalej heta stała zvykłaj źjavaj u dačynieńni da ŭsich «lišnich» u svajoj ža krainie. A voś nahadzić postfaktum, anulavaŭšy dziejučyja dakumienty — novy vid vyčvarenstva, jakoje ŭ prasunutym stahodździ vyhladaje recham pakalečanaha ciemrašalstva. Kali nie da zakonaŭ — to ŭžo va ŭsim», — napisaŭ Ihar Karniej u svaim fejsbuku.
Ihara Karnieja vyzvalili 21 červienia ŭ składzie hrupy z 14 palitviaźniaŭ i vyvieźli ŭ Vilniu.
Siońnia stała viadoma, što anulavany pašpart Alesia Bialackaha.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec85
Kamientary