U Hiermanii znoŭ pačynajuć apieracyju pa ratavańni harbataha kita Cimi. Paŭmiesiaca tamu na jaho ŭžo machnuli rukoj
U Bałtyjskim mory kala bierahoŭ Hiermanii pačaŭsia novy etap apieracyi pa vyratavańni harbataha kita, jakoha prazvali Cimi. Jon apynuŭsia na miełkavodździ i nie moža samastojna vybracca. Jaho byli ŭžo vyrašyli pakinuć u spakoi i nie ratavać, ale ciapier ratavalnaja apieracyja maje adnavicca i vyjści na novy ŭzrovień, piša The Guardian.
Raniej ułady ŭžo byli hatovyja spynić sproby i dazvolić kitu zahinuć, ale situacyju źmianiła finansavaja padtrymka dvuch zamožnych ludziej, jakija apłacili novuju vyratavalnuju apieracyju. Adzin ź ich adznačyŭ, što navat nievialiki šaniec varty taho, kab pasprabavać.
Kamanda z šaści ratavalnikaŭ, u tym liku vieterynara, zajšła ŭ vadu, kab dapamahčy žyviolinie. Pavodle najaŭnaj infarmacyi, kit padaje prykmiety žyćcia: ruchajecca, dychaje, vydaje huki i navat padymaje hałavu, što daje nadzieju na jaho vyratavańnie.
Płan zaklučajecca ŭ tym, kab spačatku razmyć piasok dy hlej i padvieści pad kita śpiecyjalnyja pavietranyja paduški. Potym jaho chočuć padniać, raźmiaścić na bryzencie pamiž pantonami i adbuksiravać u hłybiejšyja vody Paŭnočnaha mora abo Atłantyčnaha akijana.
Apieracyja moža pačacca nie raniej za subotu, 18 krasavika. U miežach hetych rabot da kita ŭ piatnicu ranicaj nabliziŭsia vadałaz, na što žyvioła adreahavała rezkimi ruchami chvastavoha płaŭnika, u vyniku čaho jana paviarnułasia amal na 90 hradusaŭ. Taksama kit vypuściŭ niekalki fantanaŭ vady. Heta pieršy vypadak, kali Cimi zrušyŭsia ź miesca, zafiksavany z 31 sakavika.
Vadałaz i inšyja ŭdzielniki apieracyi adpłyli ad kita. Nieŭzabavie žyvioła supakoiłasia i ciapier znoŭ lažyć na mieli nieruchoma, paviedamlaje ahienctva DPA.
Adnak nie ŭsie padtrymlivajuć hetuju apieracyju. Ekołahi i śpiecyjalisty ličać, što šancy na vyžyvańnie kita vielmi małyja, a sama sproba moža jašče bolš naškodzić asłablenaj žyviole. Taksama hučać mierkavańni, što situacyja častkova vykarystoŭvajecca ŭ palityčnych metach napiaredadni vybaraŭ u rehijonie.
Heta ŭžo nie pieršyja sproby dapamahčy žyviolinie. Kita znajšli na vodmieli jašče ŭ kancy sakavika. Tady jamu dapamahli vybracca, ale jon znoŭ viarnuŭsia da bieraha i niekalki razoŭ traplaŭ u tuju ž pastku.
Da bałtyjskaha ŭźbiarežža Hiermanii prypłyŭ harbaty kit i sieŭ na miel. Jaho tydzień sprabavali ŭratavać, ale nie zmahli
Na trasie ŭ Lepielskim rajonie budujuć tunel dla łasioŭ. Treba tolki pierakanać žyvioł im karystacca
U Paŭdniovaj Karei znajšli vaŭka, jaki źbieh z zaaparka. Za jaho pošukami sačyła ŭsia kraina
«Bomba zapavolenaha dziejańnia». Čamu ŭ Kałumbii chočuć zabić «kakainavych biehiemotaŭ» Pabła Eskabara
Na Vialikaj cichaakijanskaj śmiećcievaj plamie znajšli dziasiatki vidaŭ žyvych istot
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś3
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Najmiarziejšyja ludzi hetyja ekołahi. Jak možna naškodzić žyviole, jakaja pamiraje?