U Paŭdniovaj Karei znajšli vaŭka, jaki źbieh z zaaparka. Za jaho pošukami sačyła ŭsia kraina
A ŭ rodnym zaaparku tranślavali voŭčy voj i abjavy dla naviedvalnikaŭ, da jakich Nyku pryvyk ź dziacinstva.
Voŭk pa imieni Nyku z zaaparka O-World u paŭdniovakarejskim Tedžanie praryŭ tunel pad aharodžaj i źbieh.
Za jaho pošukami sačyła ci ledź nie ŭsia kraina, a ŭ rodnym zaaparku tranślavali voŭčy vyćcio i abjavy dla naviedvalnikaŭ, da jakich Nyku pryvyk ź dziacinstva. Praź dzieviać dzion uciekača narešcie znajšli, piša Bi-bi-si.
Nyku — karejski voŭk (Canis lupus coreanus, bolš viadomy jak himałajski voŭk — Canis lupus chanco), ličycca, što ŭ dzikaj pryrodzie ŭ Paŭdniovaj Karei ich amal nie zastałosia.
Park zabaŭ O-World u Tedžanie ŭklučaje ŭ siabie zaapark, adna ź misij jakoha — adnavić papulacyju karejskich vaŭkoŭ. Dla hetaha ŭ 2008 hodzie ŭ Tedžon pryvieźli siem vaŭkoŭ z Sarataŭskaj vobłaści.
Nyku — naščadak adnaho z hetych vaŭkoŭ. Jon naradziŭsia ŭ zaaparku ŭ studzieni 2024 hoda i pražyŭ tam da svajoj uciokaŭ 8 krasavika 2026 hoda.
8 krasavika voŭk praryŭ tunel pad aharodžaj i źbieh. Zaapark zakryŭsia, i pačalisia pošuki Nyku. Abaroncy žyvioł bajalisia, što voŭk nie zmoža vyžyć u dzikaj pryrodzie — ci što jaho zabjuć pry sprobie złavić: u 2018 hodzie z taho ž O-World źbiehła vaśmihadovaja puma Paronhi, i jaje zastreliła palicyja.
Pošuki ŭciekača
U pošukach vaŭka byli zadziejničany bolš za 300 palicejskich, pažarnych i vajskoŭcaŭ. Miascovyja žychary staralisia dapamahčy im, ale nie ŭsie ich namahańni akazalisia karysnymi. Školniki, pisała Chosun Ilbo, prymali za źbiehłaha vaŭka sabak.
Na nastupny dzień paśla ŭciokaŭ Nyku zaŭvažyli na ciepłavizijnych kamierach niedaloka ad zaaparka. Ale jaho śled znoŭ zhubiŭsia, kali pošukavaja hrupa mianiała batarejku ŭ dronie-kamiery.
Situacyja ŭskładniałasia tym, što z-za paciapleńnia zaŭvažyć na ciepłavizary vaŭka možna było tolki nočču.
Kab pryciahnuć Nykku, O-World staŭ prajhravać voŭčy vyćcio i abjavy dla naviedvalnikaŭ — voŭk vyras, słuchajučy ich.
Uviečary ŭ paniadziełak źjaviłasia novaja začepka: u sacsietkach vykłali videa, na jakim voŭk biažyć pa darozie ŭ śviatle aŭtamabilnych far. Ale i na hety raz złavić jaho nie ŭdałosia.
Navat prezident Paŭdniovaj Karei Li Čže Mion prakamientavaŭ ucioki. «Ja ščyra spadziajusia, što nie budzie čałaviečych achviar, i malusia, kab Nyku viarnuŭsia ŭ cełaści i zachavanaści», — napisaŭ jon u sacsietkach.
Drocik-trankvilizatar i viartańnie ŭ zaapark
Narešcie, poźnim viečaram u čaćvier, paśla paviedamleńniaŭ ab tym, što vaŭka bačyli niedaloka ad aŭtamahistrali, pošukava-vyratavalnaja kamanda stała rychtavacca da apieracyi pa ŭziaćci ŭ pałon uciekača. U 00:15 piatnicy jany pačali padrychtoŭvać trankvilizatary. U 00:39 — strelili dracikam. U 00:44 Nykku byŭ złoŭleny.
Vaŭka dastavili ŭ zaapark, dzie jaho ahledzieli vieterynary: puls i dychańnie akazalisia ŭ paradku, ale kali Nykku zrabili renthien, to ŭ straŭniku ŭ jaho vyjavili rybałoŭny kručok.
U jakaści miery zaściarohi kručok vydalili pry dapamozie endaskapii, i ciapier voŭk adnaŭlajecca ŭ svaim rodnym zaaparku O-World. U astatnim, kažuć vieterynary, uciakač całkam zdarovy. Da poŭnaha adnaŭleńnia, zrešty, jaho buduć trymać asobna ad inšych žyvioł.
Kali zaapark znoŭ adkryjecca, kiraŭnictva jašče nie vyrašyła.
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary