ZŠA ŭpieršyniu za 10 hadoŭ praviali sakretnyja pieramovy z Kubaj u Havanie
Adbyłosia niekalki sustreč, u tym liku i z unukam Raula Kastra.
Delehacyja Dziarždepartamienta ZŠA ŭ minułuju piatnicu pryjechała ŭ Havanu na pieramovy z uładami Kuby, paviedamlajuć krynicy Axios.
Pavodle słoŭ vysokapastaŭlenaha čynoŭnika dypviedamstva, adbyłosia niekalki sustreč, u tym liku z Raulem Hiljerma Radryhiesam Kastra — unukam byłoha lidara respubliki Raula Kastra.
Amierykancy zajavili, što «kubinskaja ekanomika znachodzicca ŭ svabodnym padzieńni», i zaklikali kiraŭnictva vostrava skarystacca abmiežavanym «aknom mahčymaściaŭ», kab pravieści demakratyčnyja i ekanamičnyja reformy pry padtrymcy ZŠA, «pierš čym situacyja niezvarotna pahoršycca».
Pradstaŭniki Dziarždepartamienta ZŠA taksama zapatrabavali vyzvaleńnia palitviaźniaŭ i vypłaty kampiensacyj amierykanskim hramadzianam i karparacyjam, čyje aktyvy i majomaść byli kanfiskavanyja paśla revalucyi 1959 hoda.
Adnačasova čynoŭniki vykazali «zaniepakojenaść tym, što zamiežnyja raźviedvalnyja, vajennyja i terarystyčnyja hrupy dziejničajuć z dazvołu kubinskaha ŭrada mienš čym za sto mil ad terytoryi ZŠA».
Uzamien na vykanańnie hetych patrabavańniaŭ amierykancy prapanavali abmierkavać źniaćcie handlovaha embarha i pradastaŭleńnie dostupu da spadarožnikavaj suviazi Starlink.
Heta pieršyja za 10 hadoŭ pieramovy pamiž ZŠA i Kubaj — u apošni raz krainy naŭprost kantaktavali padčas vizitu na vostraŭ prezidenta Baraka Abamy ŭ 2016 hodzie.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary