Historyja adnoj z najstarejšych pryvatnych strachavych kampanij Biełarusi zaviaršajecca.
Strachavaja kampanija «Kientaŭr» pajšła ŭ likvidacyju. Infarmacyja pra heta źjaviłasia na sajcie časopisa «Justycyja Biełarusi» i ŭ Adzinym dziaržaŭnym rejestry, piša Office Life.
«Kientaŭr» byŭ zarehistravany Ministerstvam finansaŭ u lipieni 1992 hoda. Akramia zvyčajnych strachavych pasłuh, kampanija prapanoŭvała kompleksnyja prahramy strachavańnia jurydyčnych i fizičnych asob. Taksama ŭ kampanii była raźvitaja rehijanalnaja sietka z ofisami va ŭsich abłasnych centrach Biełarusi.
U lipieni 2025 hoda Ministerstva finansaŭ na paŭhoda prypyniła licenziju kampanii. Tady ŭ viedamstvie paviedamlali, što pryčynaj stali parušeńni patrabavańniaŭ zakanadaŭstva ab strachavańni. Tak, «Kientaŭr» nie sfarmiravaŭ dastatkovy minimalny pamier statutnaha fondu.
Da studzienia 2026 hoda kampanija tak i nie sfarmiravała jaho. U vyniku Minfin pazbaviŭ jaje licenzii.
Paśla hetaha klijentam «Kientaŭra», u jakich byli damovy strachavańnia z kampanijaj, prapanoŭvali albo skasavać ich, albo aŭtamatyčna pierajści na absłuhoŭvańnie ŭ «Biełdziaržstrach». Z 1 krasavika 2026 hoda ŭsie pravy i abaviazki pa zaklučanych «Kientaŭram» damovach strachavańnia pierajšli da «Biełdziaržstracha».
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im2
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary