Гісторыя адной з найстарэйшых прыватных страхавых кампаній Беларусі завяршаецца.
Страхавая кампанія «Кентаўр» пайшла ў ліквідацыю. Інфармацыя пра гэта з’явілася на сайце часопіса «Юстыцыя Беларусі» і ў Адзіным дзяржаўным рэестры, піша Office Life.
«Кентаўр» быў зарэгістраваны Міністэрствам фінансаў у ліпені 1992 года. Акрамя звычайных страхавых паслуг, кампанія прапаноўвала комплексныя праграмы страхавання юрыдычных і фізічных асоб. Таксама ў кампаніі была развітая рэгіянальная сетка з офісамі ва ўсіх абласных цэнтрах Беларусі.
У ліпені 2025 года Міністэрства фінансаў на паўгода прыпыніла ліцэнзію кампаніі. Тады ў ведамстве паведамлялі, што прычынай сталі парушэнні патрабаванняў заканадаўства аб страхаванні. Так, «Кентаўр» не сфарміраваў дастатковы мінімальны памер статутнага фонду.
Да студзеня 2026 года кампанія так і не сфарміравала яго. У выніку Мінфін пазбавіў яе ліцэнзіі.
Пасля гэтага кліентам «Кентаўра», у якіх былі дамовы страхавання з кампаніяй, прапаноўвалі альбо скасаваць іх, альбо аўтаматычна перайсці на абслугоўванне ў «Белдзяржстрах». З 1 красавіка 2026 года ўсе правы і абавязкі па заключаных «Кентаўрам» дамовах страхавання перайшлі да «Белдзяржстраха».
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»32
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары