Epocha adradžeńnia i apsajklinh — u Varšavie prajšoŭ modny pakaz novych kalekcyj biełaruskich dyzajnieraŭ
Try biełaruskija fešn-brendy — Podberezko, Kucherenko i Sudakov prezientavali kalekcyi adzieńnia na pakazie, arhanizavanym Independent Fashion Community. Pakazvajem, jak heta było.
Heta ŭžo čaćviortaja pa liku modnaja padzieja ad Independent Fashion Community, stvoranym dyzajnierkaj Volhaj Kučarenka i stylistkaj Hannaj Pryšyvałka.
«Vielmi chočacca, kab i ŭ emihracyi pisałasia historyja biełaruskaj mody, kab talenavityja ludzi nie sychodzili z prafiesii, bo heta vielmi časta zdarajecca — ludziam prosta treba vyžyvać, i tady nie da tvorčaści ŭžo. Ja sama viedaju niamała fešn-fatohrafaŭ i dyzajnieraŭ, jakija byli vielmi zapatrabavanyja na radzimie, ale ŭ emihracyi im vymušana prychodzicca zajmacca zusim inšymi rečami», — kamientuje Hanna Pryšyvałka.
«Pakazy dla dyzajnieraŭ prosta nieabchodnyja, hetak ža, jak akcioram važna zdymacca ŭ kino ci muzykam vypuskać novyja albomy».
Na pakazie kožny z dyzajnieraŭ prezientavaŭ novyja limitavanyja kalekcyi z 10 vobrazaŭ. Amal usie tvorcy tak ci inakš źviarnulisia ŭ pracy da apsajklinhu, pierašyvajučy staryja rečy i nadajučy im novaje žyćcio. Prytym usie kalekcyi roźnilisia kanceptualna.
«Kali Podberezko — heta bolš pra kuciur, pra epochu Adradžeńnia, to rečy ad Sudakov — pra sučasny stajlinh (pryčym nie tolki dla žančyn, ale i dla mužčyn ź dziećmi). A brend Kucherenko — heta tradycyjna kanceptualny dyzajn», — raspaviadaje Hanna Pryšyvałka.
Rečy ad Podberezko:
Rečy ad Sudakov:
Rečy ad Kucherenko:
Uładalnik brenda Sudakov, akramia pracy nad adzieńniem, kiruje madelnym ahienctvam — jakraz vychavancy jaho škoły prezientavali kalekcyi na impravizavanym podyumie.
«Biełaruskaja moda siońnia znachodzicca ŭ ciažkaj situacyi. Unutry krainy pa zrazumiełych pryčynach prychodzicca isnavać u ścisnutych umovach, u svajoj mylnaj burbałcy. U emihracyi jašče ciažej, tamu što ty pačynaješ z nula i paralelna musiš vyžyvać. Ale ź inšaha boku za miažoj praściej zajavić pra siabie, jość šaniec, što pra ciabie pačujuć. I dla hetaha ŭ tym liku my arhanizoŭvajem takija pakazy. Ja ščyra ŭpeŭnienaja, ja viedaju, što biełaruskija tvorcy (nie tolki dyzajniery, a ŭsie pradstaŭniki bjuci-industryi) majuć vielmi mocnyja nacyjanalnyja, vizualna-estetyčnyja kody. I kali dać im mahčymaść raźvivacca, to jość usie šancy zachapić kali nie suśvietnuju arenu, to jeŭrapiejskuju dakładna. My ŭsie taho vartyja», — padsumoŭvaje stylistka.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary