U Biełarusi ŭzmacniajuć kantrol za jakaściu ałkaholu. Adpaviednuju pastanovu padpisaŭ premjer-ministr Alaksandr Turčyn.
Jak skazana ŭ paviedamleńni ŭrada, pastanovaj uzmacniajucca techničnyja patrabavańni da ałkaholnaj pradukcyi, jakaja padlahaje abaviazkovamu paćviardžeńniu adpaviednaści ŭ formie siertyfikacyi. Uvodzicca abmiežavańnie pa ŭtrymańni chininu i sinilnaj kisłaty ŭ ałkaholnaj pradukcyi, pa ŭtrymańni mietyłavaha śpirtu — dla tekiły i mieskala.
Zabaraniajecca prymianieńnie inhredyjentaŭ, zamiena sartoŭ vinahrada abo ich źmiešvańnie, kali heta nie praduhledžana dakumientami, u adpaviednaści ź jakimi vyrablenaja ałkaholnaja pradukcyja. Zabaraniajecca dadavańnie ŭ ałkaholnuju pradukcyju etyłavaha śpirtu ź niecharčovaj syraviny, a ŭ kańjaki, kańjačnyja napoi, brendzi, dziviny — sintetyčnych farbavalnikaŭ.
Vyznačajucca dadatkovyja techničnyja patrabavańni da viski i vinaŭ šlacham dapaŭnieńnia pieraliku dziaržaŭnych i miždziaržaŭnych standartaŭ, na adpaviednaść patrabavańniam jakich pravodzicca pravierka pry praviadzieńni abaviazkovaj siertyfikacyi.
Pastanova ŭstupaje ŭ siłu praz try miesiacy paśla jaje aficyjnaha apublikavańnia.
U Homieli ŭ adnoj z kvater znajšli adrazu try trupy
«Ablivali farbaj pomniki, vyryvali kryžy». Padletki paškodzili bolš za 50 mahił na Radaŭnicu. Ich zatrymaŭ śpiecnaz
«Siamiejka sa Smalenska. Kryčali, što im treba jechać». Pjany pasažyr pabiŭsia z achoŭnikami minskaha mietro
Niamieckija navukoŭcy: piva bahataje na vitamin B6, u tym liku i biezałkaholnaje
Kamientary
A tut jašče i chinin, sinilnaja kisłata, mietyłavy śpirt.
Što vy pjecie, ludzi??? Dy jašče i hrošy ŭ kišeniu siamji Łukašenki addajecie za heta.