Zaviaršyć raboty płanujuć da siaredziny leta.
U Minskim bataničnym sadzie źjavicca novaja tematyčnaja zona — «Francuzski sad». Jaje aformiać u kłasičnym francuzskim styli: z akuratnymi pramymi darožkami, padstryžanymi kustami, ružami i dekaratyŭnymi skulpturami.
Hałoŭnym elemientam zony stanie bierso — zialonaja arka, jakuju ŭletku aplatuć raśliny. Akramia taho, tut źjavicca łabirynt ź fihurami žyvioł, a taksama zona dla adpačynku z kvietnikami i łaŭkami. Zaviaršyć raboty płanujuć da siaredziny leta.
Centralny bataničny sad Akademii navuk Biełarusi — vializnaja i charašennaja zialonaja prastora, jakaja zajmaje dziasiatki hiektaraŭ i trymaje kalekcyi raślin z usiaho śvietu. Heta papularnaje miesca dla prahułak, fotasiesij i spakojnaha adpačynku, asabliva ŭ viasnova-letni siezon, kali pačynajuć kvitnieć dekaratyŭnyja raśliny.
Uvachod u sad płatny: dla darosłych bilet ciapier kaštuje 15 rubloŭ, dla studentaŭ, školnikaŭ, šmatdzietnych siamiej i piensijanieraŭ jość źnižki. U ciopły čas hoda tut časta pravodziać vystavy, ekskursii i tematyčnyja imprezy, tamu naviedvańnie možna sumiaścić nie tolki z prahułkaj, ale i z kulturnaj prahramaj.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary