Biełaruś choča zabrać žurnalistku Inu Kardaš, jakuju va Ukrainie vinavaciać u špijanažy na KDB
Minsk vykazaŭ zacikaŭlenaść u abmienie biełaruskaj žurnalistki Iny Kardaš, zatrymanaj va Ukrainie ŭ pačatku 2026 hoda. Pra heta paviedamiŭ pradstaŭnik ukrainskaha Kaardynacyjnaha štaba pa pytańniach abychodžańnia z vajennapałonnymi Bahdan Achrymienka, adznačyŭšy, što sihnał ad biełaruskaha boku pastupiŭ, ale pakul nie pierajšoŭ u kankretnyja prapanovy.
Achrymienka paviedamiŭ, što Ukraina atrymała adpaviedny znak ad biełaruskaha boku.
— Taki sihnał byŭ, ale, akramia razmoŭ, pakul ničoha niama. My adkrytyja da prapanoŭ. Nam niecikava trymać u siabie złačyncaŭ-zamiežnikaŭ, vydatkoŭvać na ich biudžetnyja srodki ŭ toj čas, kali našy niezakonna asudžanyja hramadzianie znachodziacca za kratami ŭ niečałaviečych umovach. Kali kamunikacyja budzie mieć praktyčnyja prapanovy, my budziem ich razhladać, — skazaŭ jon.
Jon dadaŭ, što ŭ Biełarusi jość ludzi, jakich choča viarnuć Ukraina.
— My viedajem i pamiatajem pra kožnaha ź ich. Pieramovy viaducca. Kamunikacyja ź biełaruskim bokam była zaŭsiody, — kaža jon.
Jon taksama raspavioŭ niekatoryja padrabiaznaści taho, jak ukrainskija śpiecsłužby viali Kardaš.
— SBU i HUR atrymali infarmacyju pra jaje dziejnaść i pačali apieratyŭnuju hulniu. Jana dumała, što pracuje ŭ Kaardštabie. Dla jaje było arhanizavana psieŭdarabočaje miesca, jana nie mieła dostupu da pamiaškańniaŭ Kaardynacyjnaha štaba, znachodziłasia ŭ inšym miescy. Samo pamiaškańnie było padrychtavana dla fiksacyi ŭsiaho, što tam adbyvałasia, a materyjały, jakija joj davali, nie ŭtrymlivali nijakaj praŭdzivaj infarmacyi. Kali supracoŭniki SBU, zadziejničanyja ŭ jaje supravadžeńni, usio zafiksavali, było arhanizavana jaje zatrymańnie, i jana znachodzicca pad śledstvam.
Inu Kardaš zatrymali 20 studzienia pa padazreńni ŭ špijonstvie na karyść biełaruskaha KDB.
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła3
Kamientary
Biełarusafobskaja miantoŭskaja i kdbešnaja chunta.
Hety režym biełaruski narod nie abiraŭ i jen nie pradstaŭlaje Biełaruś i jaje narod.
Biełarusafobski złačynny režym nielha nazyvać Biełaruśsiu.