Гастрапляцоўка «Пясочніца» ў Мінску ўсё ж не адкрыецца. Што адбылося
Стрытфуд-пляцоўка пад адкрытым небам «Пясочніца» на вуліцы Куйбышава ў Мінску ўсё ж такі не адкрыецца ў гэтым сезоне. Пра гэта Office Life паведамілі арганізатары праекта.
У красавіку з’явілася інфармацыя, што ў арганізатараў «Пясочніцы» ўзніклі цяжкасці з арэндадаўцамі. Дату адкрыцця пляцоўкі гэтай вясной не называлі. Пазней паведамілі, што новы сезон на гастрапляцоўцы ўсё ж такі стартуе 7 мая.
«Нягледзячы на ўсе спробы захаваць праект і ўсе дамоўленасці, да якіх удалося прыйсці ў канцы красавіка перад стартам сезона, пляцоўка «Пясочніца» больш не адкрыецца на ранейшым месцы. Дагавор арэнды скасаваны», — паведамілі арганізатары.
Што будзе з праектам далей, пакуль не ясна.
Прадстаўнікі пляцоўкі кажуць, што зараз прыярытэтная задача — вызваліць плошчы, якія яны займаюць, «пасля гэтага можна будзе падумаць пра будучыню».
«Пясочніца» з’явілася ў 2018 годзе. Яна размяшчалася на тэрыторыі завода «Гарызонт», а распрацавалі праект стваральнікі вядомага фестывалю Gastrofest. Лакацыя з урбаністычным вайбам і смачная вулічная ежа — не адзінае, дзеля чаго сюды прыходзілі гараджане. Тут праходзілі майстар-класы, маркеты, яркія музычныя выступленні, фестывалі, выставы і кінапаказы.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары