Prakuratura Francyi zapatrabavała siem hadoŭ dla eks-prezidenta Sarkazi
Abvinavačańnie patrabuje prysudzić byłoha kiraŭnika dziaržavy da turemnaha źniavoleńnia pa spravie ab livijskim finansavańni jaho vybarčaj kampanii 2007 hoda, pišuć francuzskija ŚMI.
Prakuratura taksama zapatrabavała dla Sarkazi štraf sumaj 300 tys. jeŭra i piacihadovuju zabaronu na zaniaćcie dziaržaŭnych pasad. Sam eks-prezident admaŭlaje svaju datyčnaść da niezakonnaha finansavańnia.
U vypadku vyniasieńnia abvinavaŭčaha prysudu apielacyjnym sudom 30 listapada Sarkazi zachavaje prava abskardzić rašeńnie ŭ kasacyjnaj instancyi.
Vosieńniu minułaha hoda Sarkazi ŭžo prysudzili piać hadoŭ (ź ich častku ŭmoŭna) za złačynnuju zmovu i niezakonnaje finansavańnie kampanii 2007 hoda livijskimi hrašyma, jon pravioŭ u źniavoleńni 20 dzion i padzialiŭsia svaimi ŭražańniami ad znachodžańnia ŭ kamiery, napisaŭšy knihu.
«U turmie niama na što hladzieć i niama čaho rabić. Ja zabyvajusia pra cišyniu, jaje tam niama. Na žal, šum tam pastajanny», — paskardziŭsia Sarkazi ŭ knizie.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary