Svajaki byłoha hiendyrektara «Urałkalija» Baŭmhiertniera śćviardžajuć, što jaho na Kipry zabili
Siamja byłoha hienieralnaha dyrektara «Urałkalija» Uładzisłava Baŭmhiertniera, jaki zahinuŭ u studzieni na Kipry pry zahadkavych abstavinach, ličyć, što jon byŭ zabity, piša «Kommiersant». Starejšyja syny biznesmiena i jahonaja pieršaja žonka źviarnulisia ŭ palicyju z patrabavańniem nie vydavać dazvoł na pachavańnie i pravieści alternatyŭnaje rasśledavańnie.
19‑hadovy Alaksandr i 24‑hadovy Raman Baŭmhiertniery razam z maci Irynaj sumniajucca ŭ aficyjnaj viersii, pavodle jakoj Uładzisłaŭ Baŭmhiertnier upaŭ sa skały padčas treniroŭki pa skałałažańni. Jany padali ŭ orhany ŭnutranych spraŭ adpaviednuju zajavu.
Siamja biznesmiena adznačaje šerah supiarečnaściaŭ: 7 studzienia, u dzień źniknieńnia, Baŭmhiertnier nibyta pajechaŭ na dziełavuju sustreču i potym pierastaŭ vychodzić na suviaź, choć jaho telefon zastavaŭsia aktyŭnym, a 8 studzienia z pryłady adkazvali na ŭvachodnyja paviedamleńni. Taksama 7 studzienia jon niečakana zasialiŭsia ŭ hateli, choć znachodziŭsia ŭsiaho za hadzinu ad doma, a 8 studzienia pajšoŭ u pachod, ź jakoha nie viarnuŭsia.
Akramia taho, siamja adznačaje, što ŭ biznesmiena byli prablemy z kalenam i strach vyšyni, što stavić pad sumnieŭ aficyjnuju pryčynu śmierci.
Cieła Baŭmhiertniera znajšli 14 studzienia ŭ ciaśninie na paŭdniovym uźbiarežžy Kipra. Dla apaznańnia praviali DNK-ekśpiertyzu z-za mocnaha paškodžańnia cieła. Aficyjnych danych ab pryčynie śmierci pakul niama, rasśledavańnie praciahvajuć palicyja Kipra i brytanskaja vajskovaja baza.
Tym časam inšyja svajaki biznesmiena, u tym liku apošniaja byłaja žonka Baŭmhiertniera Julija, nastojvajuć na kremacyi. Pachavańnie pryznačana na 21 lutaha na Trajakuraŭskich mohiłkach u Maskvie. Niahledziačy na zajavu starejšych synoŭ, dazvoł na vydaču cieła ŭžo atrymany.
Raniej Uładzisłaŭ Baŭmhiertnier užo byŭ u centry kryminalnaha skandału: u 2013 hodzie jon byŭ aryštavany ŭ Biełarusi pa abvinavačvańniach u złoŭžyvańniach padčas «kalijnaj vajny» pamiž «Urałkalijem» i «Biełaruśkalijem», adnak spravu potym zakryli.
Na fonie jaho źniknieńnia na Kipry adbyłasia jašče adna zahadkavaja śmierć: 8 studzienia ŭ budynku pasolstva RF u Nikasii znajšli miortvym supracoŭnika dypmisii Antona Panova — kryptohrafa, jaki mieŭ suviaź sa śpiecsłužbami. Aficyjnaja viersija — samazabojstva.
Na Kipry źnik Uładzisłaŭ Baŭmhiertnier, były hiendyrektar «Urałkalija». Jaho zatrymlivali pa skandalnaj spravie ŭ Minsku
Rasijskaha dypłamata na Kipry znajšli miortvym paśla źniknieńnia Baŭmhiertniera
Na Kipry znajšli miortvaje cieła, jakoje moža naležać Uładzisłavu Baŭmhiertnieru
Palicyja paćvierdziła, što na Kipry znajšli cieła Baŭmhiertniera
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary