Tramp padoŭžyŭ jašče na hod sankcyi suprać kiraŭnictva Biełarusi
Donald Tramp padoŭžyŭ na hod sankcyi suprać kiraŭnictva Biełarusi, dziejańnie jakich zakančvajecca 16 červienia. Heta vynikaje z dakumienta na sajcie Fiederalnaha rejestra ZŠA.
«Dziejańni i palityka asobnych členaŭ urada Biełarusi i inšych asob praciahvajuć ujaŭlać niezvyčajnuju i nadzvyčajnuju pahrozu nacyjanalnaj biaśpiecy i źniešniaj palitycy Złučanych Štataŭ», — paznačana ŭ dakumiencie.
Adpaviedny ŭkaz budzie aficyjna apublikavany 26 maja.
Havorka idzie pra padaŭžeńnie dziejnaści ŭkaza, vydadzienaha jašče ŭ 2006 hodzie, to-bok 20 hadoŭ tamu, prezidentam ZŠA Džordžam Bušam — małodšym. Hety dakumient praduhledžvaje sankcyi ŭ dačynieńni da asob, jakija, na dumku ZŠA, «padryvajuć demakratyčnyja pracesy i instytuty» ŭ Biełarusi — samoha Alaksandra Łukašenki, jahonaha starejšaha syna Viktara dy inšych vysokapastaŭlenych čynoŭnikaŭ i siłavikoŭ. U 2021 hodzie prezident Džo Bajden padpisaŭ dadatkovy ŭkaz, jaki ŭdakładniaje kryteryi ŭviadzieńnia sankcyj.
Hetyja sankcyi padoŭžanyja niahledziačy na toje, što ŭ cełym pamiž Biełaruśsiu i ZŠA ciapier idzie advarotny praces i viaducca navat razmovy pra «vialikuju ździełku» pamiž Donaldam Trampam i Alaksandram Łukašenkam. Tak, za apošni hod ZŠA źniali sankcyi z «Biełavija», «Biełaruśkalija», «Biełaruskaj kalijnaj kampanii», Bielinviestbanka, Banka raźvićcia i Minfina Biełarusi. Łukašenka dałučyŭsia da stvoranaj Donaldam Trampam Rady miru i navat atrymlivaŭ zaprašeńnie naviedać ZŠA. U abmien Łukašenka čas ad času vyzvalaje partyi palitviaźniaŭ.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3535
Kamientary
Takije žie problemy s Valetom i u kitajskich tovariŝiej, dohovornički ob odnom, a na vychodie sovsiem druhoje.
Šabłony, narabotannyje Valetom za 31 hod, kasajutsia otnošienij tolko s staršimi bratiami, a tam kidki vsiudu, ježiesiekundno, ježieminutno, ježiednievno.
Valet pierienosit takije otnošienija i na kitajskich tovariŝiej, i na pieriehovorŝika Trampa Kouła.
Dla Valeta i strašich bratiev iz RF, kidałovo, - norma žiźni i obraz žiźni.
Kidałovo, Valet i jeho strašije bratia iz RF, nazyvajut vniešniej politikoj.