«Nam nieabchodna dla pačatku damovicca, pra što mienavita my chočam havaryć z Rasijaj», — patłumačyła adna z čynoŭnic ES.
Jeŭrapiejski Sajuz pakul nie budzie pryznačać svajho pradstaŭnika dla mahčymych pieramoŭ ab zakančeńni vajny va Ukrainie. Pra heta ŭ čaćvier paviedamiła ahienctva DPA sa spasyłkaj na vysokapastaŭlenych čynoŭnikaŭ ES.
Pavodle ich słoŭ, pryznačeńnie kankretnaha pieramoŭščyka ciapier ličać niemetazhodnym jak viarchoŭnaja pradstaŭnica ES pa zamiežnych spravach i palitycy biaśpieki Kaja Kałas, tak i viadučyja krainy Jeŭrasajuza, uklučajučy Hiermaniju.
«Nam nieabchodna dla pačatku damovicca, pra što mienavita my chočam havaryć z Rasijaj», — patłumačyła ahienctvu adna z čynoŭnic ES.
U Brusieli pierakananyja, što pasadzić prezidenta Pucina za stoł pieramoŭ dapamoža sankcyjny cisk. Jeŭrakamisija i Jeŭrapiejskaje ahienctva źniešnich suviaziaŭ 28 maja pradstaviać prajekt 21‑ha pakieta sankcyj suprać Rasii na zakrytych kansultacyjach. Jak čakajecca, jon zakranie finansavy siektar i pastaŭščykoŭ rasijskaj abaronnaj pramysłovaści.
U Jeŭrasajuzie i jeŭrapiejskich dziaržavach apošnim časam aktyŭna abmiarkoŭvałasia, ci varta ES pryznačać śpiecpradstaŭnika dla mahčymych pieramoŭ z Rasijaj. Siarod kandydataŭ na hetuju rolu nazyvali byłoha staršyniu Jeŭrapiejskaha centralnaha banka Marya Drahi, eks-kanclerku FRH Anhiełu Mierkiel, a taksama prezidenta Finlandyi Alaksandra Stuba.
Uładzimir Pucin zajaviŭ, što ŭ jakaści pieramoŭščyka ad ES chacieŭ by bačyć byłoha kanclera FRH Hiercharda Šrodera. Adnak jak ciapierašni ŭrad Hiermanii, tak i pradstaŭniki ES vyklučyli 82‑hadovaha palityka, jakoha ličać blizkim da Pucina, sa śpisu mahčymych kandydataŭ, piša DW.
«My, jeŭrapiejcy, sami vyrašajem, chto havoryć ad našaha imia. Nichto inšy», — zajaviŭ kancler Hiermanii Frydrych Mierc.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu6
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5858
Kamientary