Źjavilisia pieršyja ŭ historyi hetaj vajny VIDEA pralotu ŭkrainskaj rakiety FP-5 Flamingo nad Rasijaj
U siecivie ŭpieršyniu źjavilisia kadry, na jakich zafiksavany palot najnoŭšaj ukrainskaj rakiety FP-5 Flamingo ŭ hłybokim tyle Rasijskaj Fiederacyi. Videazapis pralotu apublikavaŭ telehram-kanał Supernova+.
Cellu hetaha rakietnaha ŭdaru staŭ vajskovy zavod «VNIIR-Prahres», raźmieščany ŭ horadzie Čebaksary (stalica Čuvašyi, bolš za 600 km ad miažy z Ukrainaj). Jak paviedamlaje niezaležnicki telehram-kanał «Sierditaja Čuvašija» (@ChuvashiaDream), u vyniku prylotu budynki stratehičnaha pradpryjemstva atrymali istotnyja razbureńni.
Zavod «Prahres» źjaŭlajecca krytyčna važnaj cellu dla abarony Ukrainy. Raniej jaho ŭžo dvojčy sprabavali atakavać bieśpiłotniki.
Heta pradpryjemstva śpiecyjalizujecca na vytvorčaści vysokatechnałahičnych kampanientaŭ dla patreb rasijskaha vojska — u pryvatnaści, anten «Kamieta» i śpiecyjalnych spadarožnikavych prymačoŭ. Mienavita hetyja moduli rasijanie ŭstaloŭvajuć na svaje drony, kryłatyja rakiety «Kalibr», balistyčnyja kompleksy «Iskander», a taksama na kiravanyja avijabomby, kab abaranić ich ad uździejańnia ŭkrainskich srodkaŭ radyjoelektronnaj baraćby.
Rakietny ŭdar pa hetym vuźle zdolny surjozna zatarmozić vytvorčaść rasijskaha vysokadakładnaha ŭzbrajeńnia.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
Heta zvarot da Pucina?